Albistea entzun

BESTE KASU BATZUK

Berria -

2019ko urriak 22

Herrialde gehienetan, diktadoreen gorpuzkiak ohore militarrik gabe hobiratuta daude. Askotan ez zieten hileta ospakizun ofizialik ere egin; beste batzuetan, berriz, familiaren panteoian lurperatu zituzten zuzenean. Bakan batzuk desagertuta egon dira hainbat urtez.

Adolf Hitler. Diktadore naziak eta haren emazte Eva Braunek bere buruaz beste egin zuten 1945eko apirilaren 30ean, Berlinen eraikitako bunkerrean. Bertsio ofizialaren arabera, hor bertan lurperatu zituzten biak. Gerora, baina, Hitlerren, Braunen eta Joseph Goebbelsen gorpuzkiak hobitik atera, erraustu eta Biederitz ibaira bota zituzten, omenaldi oro saihesteko xedez.

Benito Mussolini. Partisanoek atxilotu eta fusilatu zuten diktadore italiarra, 1945ean. Herritar talde batek, baina, gorpua hobitik atera eta buruz behera zintzilikatu zuen, beste hainbat buruzagi faxistaren hilotzekin batera, Milango gasolindegi batean. Gero, hilotza hamabi urtez egon zen desagertua: auto baten maletategian, armairu batean eta komentu batean ezkutatu zuten, besteak beste. Gaur egun, haren familiaren panteoian dago hobiratua, Predappio herrian.

Jorge Rafael Videla. Argentinako junta militarrak presidente izendatu zuen 1976tik 1981era. Kartzelan hil zen, 2013an, 87 urte zituela. Diktadorea Mercedes herriko mausoleo batean lurperatu nahi izan zuen familiak, baina hango herritarrek protestaka hartu zuten erabakia. Hortaz, Memorial del Pilar hilerrira eraman zuten. «Olmos familia» izen faltsua daraman hilarri xume baten azpian dago hobiratua gaur egun.

Somozarrak. Nikaraguako Somoza familiako diktadoreen hilotzak ere gora eta behera ibili zituzten. Anastasio Tacho Somoza 1956an hil zuten, eta ohore militarrekin hobiratu zuten Managuan. 1979an, ordea, sandinistek diktadura egotzi zutenean, herritar talde batek Tacho Somozaren hilobia profanatu zuen. Haren semeak, Luis Tachito Somozak, ihes egin zuen, baina Paraguain hil zuten, tiroz; Miamin (AEB) lurperatu zuten.

Augusto Pinochet. Txileko diktadorea ohean hil zen, 2006an. Familiak estatu hileta bat eskatu zuen, baina gobernuak ukatu egin zion. Valparaison dago hobiratua, familiaren kapera pribatuan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lege proposamenaren bozketaren emaitza. ©Iñigo Uriz / Foku

Mañeru eremu mistoan sartzeko lege proposamena atzera bota dute PSNk eta Navarra Sumak

Joxerra Senar

Proposamena babestu duten lau taldeek ez dute ulertzen sozialistek nolatan baztertu duten Mañeruko Udalak aho batez onartutako eskaera, eta eskuinaren beldur izatea aurpegiratu diote.

AEBetako Amadako M-113 motako blindatu bat, maniobratan, Hohenfelsen (Alemania) 2015. urtean. ©Spc. Tyler Kingsbury

Madrilek «diskrezioa» eskatu du astelehenean Bilbotik Ukrainara bidaliko dituzten ibilgailu blindatuen inguruan

Edu Lartzanguren

Armen bidalketa NATOko herrialdeekin «erabat koordinatuta» egingo da, Margarita Robles Espainiako Defentsa ministroak gaur esan duenez.

LAB, SAE, UGT, ELA eta CCOO sindikatuen agerraldia gaur, Iruñean. ©IÑIGO URIZ / FOKU

Hiru greba eta hamaika mobilizazio: Nafarroa, marea zuri baten atarian

Ion Orzaiz

LAB, SAE, UGT, ELA eta CCOO sindikatuek, batetik, eta Satsek, bestetik, lanuzteak antolatu dituzte datozen asteetarako. Sindikatu Medikoaren grebak bigarren eguna du gaur.

Gaindegiaren webgunea, artxiboko irudi batean. ©

Munduko batez besteko gas emisioak halako bi isurtzen da Euskal Herrian

Iosu Alberdi

Gaindegiak '2022ko adierazle galeria nagusia' txostena osatu du, lan publikoaren eten baten ostean. Datu demografikoak, ekonomikoak, sozialak eta ingurumen arlokoak landu ditu. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.