Gizon bat atxilotu dute Donostian, bortxaketa egotzita

Erasoak salatzeko protestak izan dira Donostian eta Bilbon. Olivier Verdon Alaveseko jokalaria atxilotu dute, bikotekidea jotzea leporatuta
Protesta gisa, Bilboko udaletxeko zubia itxi zuten atzo.
Protesta gisa, Bilboko udaletxeko zubia itxi zuten atzo. ERNAI BILBO Tamaina handiagoan ikusi

Erredakzioa -

2019ko abuztuak 16

Ertzaintzak 39 urteko gizon bat atxilotu zuen atzo, bortxaketa salaketa batengatik. Eusko Jaurlaritzako Segurtasun Sailak zabaldu duenez, asteartean, 03:00etan, izan zen erasoa; ez du zehaztasun gehiago eman. Ertzaintzak jakinarazi duenez, gutxienez beste eraso bat ari da ikertzen, hori ere Donostian. Aste Nagusia ari dira ospatzen han. Herenegun, Piratek salatu zuten egun bakar batean 11 erasoren berri izan zutela. Horiek gaitzesteko eta horrelako jarrerak onartezinak direla salatzeko, udalak iragarri du iluntzeko ekitaldietan mezu bat zabalduko duela megafonia bidez.

Astearte iluntzean Gaztelubide elkarteak antolatutako Festara ekitaldian izandako liskarrei buruz ere mintzatu da udala; Ā«onartezintzatĀ» jo du gertatutakoa. Jende ugari bildu zen han, txistu eta zarata hotsak eginez, Eneko Goia alkatea han zegoelakoan; besteak beste, eskatu zuten ekitaldia bertan behera uzteko. Piratek halaxe egin zuten gau horretarako prestatua zuten egitarauarekin; aurretik manifestazio jendetsua antolatu zuten. Dena den, Piratek azpimarratu dute haiek ez dutela zerikusirik Gaztelubiden gertatu zenarekin.

Donostian ez ezik, Bilbon ere izan dira mobilizazioak. Gazte Sare Feministako kideek ohartarazi du hastear den Bilboko Aste Nagusian ez dutela sexu erasorik onartuko. Atzo, trafikoa eten zuten udaletxeko zubian. Adi erasotzaile! Nonahi gaude! zioen pankarta bat zabaldu zuten, eta bi emakume zintzilikatu egin ziren zubitik. Ertzaintzak hogei lagun inguru identifikatu zituen, eta desordena publikoa eragitea leporatu diete.

Bestalde, Olivier Verdon Alaveseko futbolaria atxilotu zuen Ertzaintzak herenegun, bikotekidea jotzea egotzita. Hotel batean bizi dira, eta hango langileek eman zuten abisua, emakumea iletik arrastaka zeramala ikusi zutenean korridoreetako kameretan. Epailearen aurretik pasatu zen atzo, eta aske utzi zuen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna