HIZPIDEAK

Orain

Iñaki Petxarroman -

2019ko urtarrilak 13

Dozenaka mila lagunek elkartasunez eta aldarrikapenez bete dituzte Baionako eta Bilboko kaleak. Presoekiko elkartasunez eta, zer esanik ez, haien senideekiko elkartasunez. Izan ere, urtea joan, urtea etorri, antzera jarraitzen du gatibuen egoerak. Ezin da ukatu iaz mugimendu batzuk izan direla. Frantziak dozenaka preso gerturatu ditu Lannemezango eta Mont-de-Marsango espetxeetara, eta Espainiako Gobernuak hitzemandako hurbiltzeetako batzuk egin ditu, 11 preso hurreratu baititu, tantaka bada tantaka.

Urteak pasatzen ari dira, baina. Eta egoera lazten, urteen poderioz. Heldu den astean dozenaka mila kilometro egingo dituzte berriz ere senide eta lagunek presoengana joateko. Berdin ume, heldu edo zahar; osasunez ongi edo pattal izan; bidean elurra, euria edo izotza topatu... Eta premiazkoak dira mugimendu azkarragoak eragile guztien aldetik. Presoen arazoa ez baita haien senideena edo gertuen daukaten sektore politikoarena bakarrik. Gaixo dauden presoak, adinekoak, etxetik ehunka kilometrora daudenak, bakartuta eta lehen graduan direnak... Iraganeko salbuespen politiken biktima dira presoak. Giza eskubideak urratzen ari dira, eta ez da aski estatuek daramaten erritmoa. Ezta alderdiek —Ipar Euskal Herrikoek salbu— agendan eman dioten bigarren mailako tokia ere. Mugimendu gehiago eta sendoagoak behar dira. Berandu baino lehen. 2020ko manifestazioa baino lehen. Orain.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

COVID-19ak Euskal Herrian duen eragina azaltzen du grafiko interaktibo sorta honek. Izurriaren une larrienak martxoan eta apirilean gertatu ziren. Maiatzean eta ekainean apalduz joan zen gaitzaren hedapena, baina uztailean kasuen agerraldiak indartu dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna