HIZPIDEAK

Etxekoak

Mikel P. Ansa -

2019ko abuztuak 25

Bi argazki, eta detaile txiki bat. Aurreneko argazkia: Donald Trump, Miarritzera ekarri behar zuen hegazkinean sartu baino ordu gutxi batzuk lehenago, kazetariei zera esaten: Frantziak teknologia konpainiei zergak jartzen badizkie berak Frantziako ardoei jarriko dizkiela muga zergak. Bigarren argazkia: Emmanuel Macron, handik ordu batzuetara, Miarritzeko Irati aretoan, kopa bat ardo irensten. Trumpen mehatxuei emandako erantzun subliminal bat. Eta detaile txiki bat orain: Trumpek baditu bere ardo upategiak. 2011n erosi zituen, eta Trump Winery izen originalarekin bataiatu zituen ostera. Semeetako batek darama negozioa 2012az geroztik. Frantziako ardoei zergak eransteak, dudarik gabe, mesedea egingo lieke Trumpen familiaren upategiei.

Detaile txiki eta argazki solte horiek lagun al dezakete anekdota hutsetik haragoko interpretaziorik egiten? Beharbada bai. Pentsa liteke kapitalismoa sistema oso baten gisa funtzionatzen aritu izan dela orain ez asko arte. Lehian oinarritu izan bada ere, kooperazio eremu asko izan ditu —batzuk publikoak, G7a bezalakoak; beste batzuk legez kontrakoak, karteletan gertatu den bezala—. Baina itxura du kapitalismoaren adar batzuek bukatutzat eman dutela joko hori: etxekoentzat soilik nahi dituzte irabaziak. Beharbada sentitzen ari direlako denek irabazteko aukerak bukatzen ari direla. G7koek nahikoa lan izango dute ustez adiskide dituztenak gozatzen: kapitalismoari etxean bertan sortu zaizkio etsaiak.

Eta Trumpi berdin zaio ardoaren gerra bat hastea: Coca Cola Zerorekin aski du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.