HIZPIDEAK

Aldatzen jarraitzeko

Amagoia Mujika Tolaretxipi -

2019ko maiatzak 26

Berehala ahaztu nahi izaten dira garai ilunak, bere-berehala ahaztu nahi genuke zer zen Yolanda Barcina, Roberto Jimenez eta konpainiak gutxi batzuen esku jarria zuten Nafarroa. Ia dena irabazteko duenaren ilusioz egin da aurrera lau urteotan, erregimenak oztopo asko jarrita ere, pixkanaka, etenik gabe, UPNk eta PSNk ezarritako norabidea aldatuz.

Aldaketa egunerokoan islatzen hasia da, baina denbora gehiago behar da hasitako bidea gizartearen oinarrian sustraitzeko. Azken finean, benetako aldaketarako lehen urrats erabakigarria baizik ez baita gobernu aldaketa, eta, Nafarroan politika eta moduak aldatzeko, epe luzeko proiektu iraunkorra antolatu behar da.

Eta ondotxo dakite hori duela lau urtera arte boterean gotortuta izan direnek; jakin badakite aldaketak gobernuan jarraituz gero euren Nafarroaren eredua atzera jartzea gero eta zailagoa izango dutela. Barcinaren eta Jimenezen sokari gogor helduta, hortzak estutuak dituzte oinordekoek. Ekiteko irrikaz dago Navarra Suma, urduri, agian ez baitute nahikoa indarrik lortuko, baina, gobernatzeko nahikoa ez balira, txibitetarren karta joka dezakete, aldaketa aldatzeko beharko balitz, ezer alda ez dadin. Ez dadila inor gera etxean, ez dadin ahanzturan gera zein garrantzitsua den aldatzen jarraitzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna