Albistea entzun

HIZPIDEAK

Amesgaizto amerikarra

Amagoia Mujika Tolaretxipi -

2022ko urtarrilak 16 - @mmuxika

Amets amerikarra sinetsita, munduko herrialderik boteretsuena eta onena delako ustea zabaldua dago AEBetan: edonor izan daiteke zernahi, enpeinua badu, baina ausardiak ematen duen baikortasuna aldatzen ari da. AEBak munduan onenak diren galdetu zuten inkesta batean duela zortzi urte, eta baietz erantzun zuten %70ek. Duela gutxi egindako beste inkesta batean, berriz, %54k, eta gazteak dira ezkorrenak.

Joe Biden ziur zegoen aldarte baikorra berreskuratuko zuela, duela urtebete boterera iritsi zenean: agindu zuen pandemiari aurre eginda «normaltasunera» iritsiko zirela, eta politikan daukan 40 urteko esperientzia erabiliko zuela polarizazioa amaitzeko eta nazio handiaren batasuna indartzeko.

Urtebete egiterako, ordea, pandemiaren aldaerak bata bestearen atzetik etorri dira; ezinegon handia sortu dute inflazioak eta horniduraren krisiak; eskuak lotuta dauzka polarizazioaren ondorioz, eta demokraten arteko desadostasunak gainditu ezinda dabil pobreziari aurre egiteko plana eta beste hainbat proposamen aurrera ateratzeko. Langabezia gutxitzea lortu du, eta beste meritu batzuk ere baditu, baina ametsak amesgaizto bilakatzeko joera hartua du, Bidenen eta demokraten hutsak haizatzen dituzten trumpzale biziberrituen zalapartaren eraginez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...