Albistea entzun

HIZPIDEAK

Ahulenak galtzaile

Amagoia Mujika Tolaretxipi -

2021eko abenduak 26 - @mmuxika

Euroak hogei urte daramatza herritarron poltsikoetan. Pezetatan edo liberatan bizi izan direnek ere oso urrun dituzte kalkulagailuari emanez bizitako garai haiek. Ezer onik bada, Euskal Herrian lehen aldiz txanpon berarekin aritzeak zabaldu zituen aukerak: hamaika mugatatik bat gainditu da, eta gerturatzea balio handikoa da. Euroaren aurretik alde handiak egon ohi ziren pezetaren eta liberaren artean, baina horrez gainera, eta bidaiatzeko erosotasunaz harago, zertan gehiago eragin du herritarren bizitzatan?

Langileak galtzaile atera dira, zer esanik ez 2008ko krisi ekonomikoaren ostean. Soldatak ez dira igo prezioen neurri berean, eta, gainera, galdutako lehiakortasuna berreskuratzeko, hegoaldeko herrialdeei lan kostuak murrizteko errezeta zorrotza inposatu zieten: austeritatea.

Noraino da euroaren errua? Noraino agintariena? Diru politika bakarra Europako Banku Zentralak diseinatzen du, eta akatsez osaturiko eredu bat bideratu zuen, liberalismoaren politikak ezartzeko baliatuz, denon ongizatearen kaltetan.

Lehen urteetako festa hura ordaindu da ondorengo urteetan, eta arazoa da ahulenek galtzen dutela gehien, eta hala izango da aurrerantzean ere, Europako Batasunaren politika aldatzen ez bada.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...