HIZPIDEAK

Alde orotako biktimak

Iñaki Petxarroman -

2019ko urriak 6

Harriduraz hartu dute askok aste honetan Carles Puigdemont Kataluniako presidente erbesteratuak Twitterren idatzitako mezu bat. Txio horretan, Pedro Sanchezi ohartarazi dio Euskal Herrian 829 hildako izan direla (ETAren indarkeriaz ari zen) eta ez dutela 155. artikulua ezarri.

Mingarri zaio Puigdemonti, logikoa den bezala, estatua egiten ari den ahalegina Kataluniako independentismoa indarkeriarekin lotzeko. Kontua da hark ere estatuak erabiltzen duen kontakizun bakarraren amua irentsi duela adierazpen horretan. Izan ere, kontakizun ofizial horrek nahita ahaztu ditu euskal gatazkaren beste milaka biktima: estatu terrorismoaren eta Poliziaren hildako eta zaurituak, torturatuak, desagertuak... Presoak, iheslariak eta sakabanaketa politikaren erruz hildakoak eta min hartutakoak... Arrazoi politikoengatik izandako eskubide urraketa larriak: atxiloketak, hedabide itxierak eta erakundeen zein alderdien ilegalizazioak...

Egiari Zor fundazioak ekitaldi bat egin du Hernanin —non estatuaren biktimak gehiago diren ETArenak baino—, biktimei eskatzeko euren testigantza eman dezatela, EAEk onartutako estatuaren biktimen legeak dagokien erreparazioa bidera dezan. Hots, osatzen laguntzeko Euskal Herrian izandako min askotarikoaren mapa. Litekeena da Puigdemont bera ere harritzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

 ©Juan Carlos Ruiz / Foku

COVID-19ak hiru hildako utzi ditu Nafarroan

Berria

13.012 PCR egin dituzte Hego Euskal Herrian, eta horietatik 842k positibo eman dute. 

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna