HIZPIDEAK

Kasualitatea

Amagoia Mujika Tolaretxipi -

2020ko urriak 11

Kasualitatea, ospitaleak ixten hasita Asuncion klinika izatea lehena. Hara joan-etorrian ibilia denarentzat ez da, ez, kasualitatea gertatutakoa, bai baitaki kausa askoren ondorio dela zentroaren jardun gorabeheratsua: eraikina zaharkitua dela, langileen lan baldintza kaskarren ondorioz espezialistak ez-espezialistek ordezkatzen dituztela, nahikoa baliabiderik ez dagoela, eta irregulartasunak, berriz, agerikoak direla...

Asko eta asko dira zentroaren gainbehera erakusten duten sintomak. Eta sintomatikoa da Osakidetzak itunpean duen zentro pribatua izatea, kudeaketa interesatua egotea Andoaindik Legorretarainoko 65.000 pertsonaren osasunaren gainetik. Kudeatzaileen helburua ez baita osasun arretarik onena eskaintzea, etekin ekonomikoak lortzea baizik.

Osakidetzaren ardura da, ordea, argitzea zer dela-eta kutsatu diren horrenbeste langile Asuncionen, non huts egin duten protokoloek eta segurtasun neurriek. Baina ororen gainetik, klinikako langileek eta erabiltzaileek aspaldian eskatzen diotena kontuan hartu beharko luke: herritarrek jarritako diru publikoa osasun publikoaren esku jartzeko, beharko lituzkeen berme eta baliabide guztiekin.

COVID-19ak agerian utzi baitu etenik gabeko pribatizazioa gaitza bera baino arriskutsuagoa izan daitekeela gizarteko sektorerik zaurgarrienentzat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna