HIZPIDEAK

Atzetik

Mikel P. Ansa -

2020ko urriak 18

Espainiari buruz idatzi du The Lancet aldizkariak, baina izan zitekeen Euskal Herriari buruz: «Konfinamendua kendu zenean, ekainean, eskualdeetako autoritate batzuk seguru asko azkarregi ibili ziren irekitzean, eta motelegi [COVID-19a] atzeman eta jarraitzeko sistemak ezartzerakoan». Aditu askok ohartarazi dute birusaren atzetik dabiltzala instituzio asko, eta estrategia garbi bat diseinatu gabe —edo, behintzat, estrategia hori argi azaldu gabe—. Adibidez: badira 11 egun Gipuzkoako datuak okertzen hasi zirela, eta atzo arte Jaurlaritzak ez zuen iragarri neurri berririk; gainera, neurri horiek ez daude bereizita probintzien artean. Nafarroak uztailaren 22an gainditu zuen PCR positiboen %5eko batez besteko langa; ez da jaitsi geroztik. Hegoaldeko beste hiru probintzietan ere, abuztu hasieratik ez da jaitsi %4,5etik. Alemaniak, 100.000 biztanleko 50 kutsaturekin, onartu du kutsatze kateen kontrola galdu duela. Hemen, denborak dira tasa hori askoz altuagoa dela, baina instituzioek ez dute esplikatzen non kutsatzen diren kasu berriak; ez da datu hori existitzen, eta horrela nekez ulertzen dira hartzen diren eta hartzen ez diren neurriak. Krisi honi aurre egitekotan, balantzaren bi aldeek elkar hartu beharko dute, administrazioek eta herritarrek, baina irudipena da konfiantza erabat pitzatua dagoela, bi aldeetara. Administrazioek ez badute gauzak hobeto esplikatzeko eta datu guztiak emateko ahalegina egiten, nekez konbentzituko dituzte gero eta nekatuago dauden herritarrak. Eta ezin da itxaron ZIUek gainezka egin arte.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©Malen Amenabar Larrañaga / Txakur Gorria
Itziar-Ondarroa
Hamabostaldia Mexikon

Hamabostaldia Mexikon

Kirmen Uribe

Berezko dudan baikortasun, ezen ez xalotasun, honek traizionatu egiten nau batzuetan. Gaztetan maite nuen Emil Cioran-en ezkortasun beltza, baina orain, zer esango dizuet, nahiago dut Bertrand Russell-en inkonformismo bizizalea. Uste genuen abuztuaren bukaeran gauzak hobeto egongo zirela Covid-aren kontuarekin, Europa eta Estatu Batuen arteko mugak zabalduko zituztela eta ez genuela arazorik izango New Yorkera itzultzeko. Baina ez da izan horrela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna