Albistea entzun

HIZPIDEAK

Sakona

Mikel Rodriguez -

2021eko urtarrilak 10 - @MikelR28

AEBetan indar aurrerakoiek osatzen duten estatu sakon batek Donald Trump presidentearen eta hark ordezkatzen dituen muturreko joera kontserbadoreen aurka egiten duela, horixe du funtsa QAnon konspirazio teoriak, mundu osoan famatu egin den Kapitolioko bisonte buruduna ordezkarietako bat duenak.

Estatu sakona kutsu konspiraziozalez erabili du AEBetako eskuin muturrak, baina terminoa ez du hark asmatu, eta bertze lekuetan ez du izaten hark dioen izaera ideologiko hori. Ezagunenetako bat Turkiakoa da. Salatzaileen arabera, estatuko egitura militarrek disidentziaren aurka mota guztietako krimenak zuzentzen dituzte, ezkutuan —Kurdistanen, nagusiki—. Estatu sakonak bere burua luke errepublikaren balioen eta izatearen ezkutuko defendatzailetzat.

Baina sakonari bertze adiera bat ere ematen zaio, herrialde bateko soziologiaren alderik erreakzionarioena izendatzeko; normalki, estatu egitura sortu edo kontrolatu izan ohi duen elitearen antzeko pentsaera duen sektorea. Estatu sakona, beraz, konspirazio bat baino gehiago, fenomeno politiko eta soziologiko bat izan liteke. Horregatik, AEBetan azal lezake indar armatuek zer dela-eta erantzun zioten hain motel eskuin muturreko taldeek Kapitolioari egindako erasoari; edo, Espainian, zein zaila den gobernuak pauso erabakigarriak ematea euskal presoen auzia konpontzeko, ETAk armak utzi zituenetik hamarkada bat igaro bada ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.