Oihana Elduaien Uranga.
HIZPIDEAK

Nakba amaiezina

2023ko maiatzaren 14a
00:00
Entzun
Gatazkaren izaera koloniala aitortzea da Palestina eta Israelgo egoera aldatzeko tresna, Rashid Khalidi historialariaren ustetan. Israelek Palestina okupatuta daukala onartzea, eta hortik abiatzea. Baina horixe da Israelen akabera. Hori onartzen badu, alde egitea dagokiola ere onartu beharko luke, eta horrekin batera urteetan egindako kalte guztia onartu eta erreparatu beharko luke... Eta hori eginda, ez litzateke oso posizio indartsuan geratuko ezein negoziaziotarako. Beraz, bere kasa ez du egingo. Nazioarteak giltza boteretsua du, eta presio handia egin dezake, baina interes geopolitiko asko ditu, eta kontzientzia ere ez du garbi juduekin. Nakba hasi zenetik 75 urte joan direnean, palestinarrekin izan duen jarrera aintzat hartuta ere, ez luke kontzientzia lasai eduki behar. Baina kontzientziak interesaren alde egiten du.

Ikaragarria da Palestinako herriak erakutsi duen erresistentzia. Khalidik nabarmendu du ez dutela «lider egokirik». Baina ez dute borroka utzi. Ez ditu etsiak hartu. Eta jarraitu egin dute. Erresistentziarako gaitasuna eta indarra argi frogatu dute, baina urrats bat gehiago behar dute. Ezinbestekoak izango dituzte lider indartsuak, kementsuak, eta estratega handiak, indar hori guztia ondo baliatzeko. Nakba ez dadin beste 75 urte luzatu.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.