Albistea entzun

Sei kontzertuk inauguratuko dute 82. Musika Hamabostaldia, etzi

Doako emanaldiak egingo dituzte Donostiako zenbait tokitan. Zikloak ere orduan abiatuko dira
Inaugurazio egunaren aurkezpena, atzo, Kursaalean.
Inaugurazio egunaren aurkezpena, atzo, Kursaalean. ANDONI CANELLADA / FOKU Tamaina handiagoan ikusi

Andoni Imaz -

2021eko uztailak 30

Etzi inauguratuko dute Donostiako 82. Musika Hamabostaldia. Orduan hasiko dira, batetik, Organo Zikloa —Ataunen (Gipuzkoa), Donostian eta Usurbilen (Gipuzkoa)—; eta, bestetik, Kursaaleko auditoriumeko kontzertuak: Luxenburgoko Orkestra Filarmonikoak joko du, Gustavo Gimenok zuzenduta eta Yuja Wang pianista bakarlariarekin. Egitarauko saio horiez gain, doako sei emanaldi antolatu dituzte Donostiako zenbait tokitan: udaletxean, Kursaalean, Karmeldarren elizan, San Bizente elizan eta Miramar jauregian.

Eguerdian, Maria Jose Barandiaran pianistak eta Iagoba Fanlo biolontxelo jotzaileak Beltran Pagola konpositorearen Sonata para cantos vascos eta Brahmsen 1. Sonata emango dituzte udaletxeko batzar aretoan. Kursaaleko atarian, berriz, Kup taldeak joko du, Gabriel Baltesek zuzenduta.

Arratsaldean, Esteban Urzelaik zuzendutako gizon koru bat ariko da Ander Simal eta Amaia Zipitria pianistekin, Karmeliten elizan, 17:30ean. Ánima izeneko saio bat emango dute, Euskal Herriko eta nazioarteko konpositoreen obrak nahastuta.

Ondoren, 18:00etan, Jose Ignazio Ansorena txistulari eta danbolin jotzailea eta Joserra Senperena pianista ariko dira udaletxeko batzar aretoan. Euskal danbolinaren aroak aurkeztuko dute, musika tresna hori entzuleei sakon erakusteko asmoz.

Euskal Herriko Gazte Abesbatzak San Bizente elizan abestuko du, 19:30ean. Aitor Biainek eta Basilio Astulezek zuzenduko dute, eta hainbat euskal kantu emango dituzte errepertorioan. Oier Etxaburu pianistak lagunduko die.

Inaugurazio eguneko azken ekitaldia Itsas urradurak izango da, Joxan Goikoetxeak eta Euskameratak emango duten kontzertua. 20:00etan izango da, Miramar jauregian. Donejakue bidearen urtea dela eta, kostaldeko erromes ibilbideari lotutako kantuak interpretatuko dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Eñaut Zubizarreta musikaria, atzo, Ahotsenea gunean. ©ARITZ LOIOLA / FOKU

Bat, bi, bat, bi, hiru, lau

Iñigo Astiz

Murrizketekin ere, aurten Durangoko Azokako guneek berreskuratu egin dituzte beren programak, eta, murrizketak murrizketa, poza azaldu dute arduradunek, berriz ere jendeari aurrez aurreko saioak eskaini ahal izateagatik.

Ibai Aizpuruari beka emateko agerraldia. Ezker eskuin, Nerea Mujika, Ima Garrastatxu, Aizpurua eta Lorea Arakistain. ©Durangoko Azoka

‘Barraka’ euskarazko abentura bideo jokoak irabazi du Durangoko Azokako laugarren sormen beka

Ainhoa Sarasola

Ibai Aizpurua diseinatzaile eta programatzaile irundarrak eskuratu du 15.000 euroko laguntza, urtebeteko epean bere proiektua garatzeko. Heldu den urteko azokan aurkeztuko du emaitza.

 ©LARA MADINABEITIA / BERRIA

«Sortzailea hari honetan alderik makalena da, maiz zaintzen ez dena»

Andoni Imaz

Lagunak dira Morales eta Landabaso; biak Bilbotik etorri dira Durangora. Morales saltzera etorri zen lehenengoz, eta Landabaso, umea zela. Urte osoan erosten ez dituzten bitxikerien bila etortzen dira gaur egun.

Maia Iribarne eta Paxkal Irigoien musikariak eta <em>Bañolet</em> websailaren egileak, atzo, Durangoko 56. Azokan. ©ARITZ LOIOLA / FOKU

Heldu bilakatzearen konkista

Itziar Ugarte Irizar

Maia Iribarnek eta Paxkal Irigoienek 'Bañolet' websailaren aurrerapena aurkeztu dute, iaz sormen beka irabazi ondotik. Bederatzi kantuko diskoa ere kaleratu dute: 'Bañolet kantuz'

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.