Getxon hildako gaztetxoaren ama: «Beste aldera begiratu zuten»

Sare sozialetan berreskuratu du 2017. urtean semearen pairamenduen harira idatzi zuen testu bat. Gogor kritikatu du eskolaren jarrera

Arantxa Iraola -

2019ko ekainak 22

Astelehen goizean Getxon (Bizkaia) hilotz agertu zen 13 urteko mutilaren amak hitza hartu du. Sare sozial batean mintzatu da: «Ni abisuak ematen ari nintzen, haiek beste aldera begiratu zuten, orain ez daitezela etorri ergelkeriekin». Hezkuntza Sailak kasuari buruz esandakoen harira idatzi du mezua; izan ere, ostegunean Hezkuntza sailburu Cristina Uriartek baieztatu zuen ordurako hainbat mezuren bidez bolo-bolo zebilena: eskola jazarpena salatu zuen gaztetxoak. Bere buruaz beste egin zuen, eta pairamendu horrek erabakian zer-nolako eragina izan duen aztertu behar da orain. Amak atzo, Facebook sare sozialean hitza hartzearekin batera, 2017an semearen egoeraren berri emateko idatzi zuen testu bat berreskuratu zuen.

Hor jartzen duenaren arabera, sufrimendu itzela eragin zioten mutikoari Erandioko Jado eskolan. Aspalditik, gainera; testuan aipatzen denez, «zazpi urte baziren» ja orduan erasoak hasi zirela. Ez nolanahikoak: «Zure semeari hortz bat apurtzen diote, eta esaten dizute erori egin dela! Gelan jotzen dute, eta esaten dizute ezinezkoa dela, zer eta lekukoak dituen arte! Zure semea odoletan ateratzen da gela aldaketa batean hartu dituen kolpeen ondorioz, eta arazoa da beste haur bat bolada txar bat igarotzen ari dela!». Halakoak zerrendatuta daude testuan. Eta kritika gogorrak ere bai eskolaren jardunaren eta Hezkuntza Saileko ikuskatzaileen erabakien kontra. Onartzen du «irakasleren bat» badagoela zentroan ikasleen gaineko «kezka» duena, baina, oro har, neurri egokirik ez du ikusi inoiz. «Umeen kontuak dira», adierazi diete usuen, amaren arabera.

Hain zuzen ere, administrazioak berak onartu du deus ezohikorik ez zutela ikusi kasu honetan. Uriartek asteon eman dituen argibideen arabera, salaketa jaso orduko martxan jarri zuten halako kasuetarako prestatutako protokoloa, nahiz eta ez zuten jazarpenari buruzko «frogarik» sumatu. «Esku hartu zen», nabarmendu du sailburuak.

Gaztetxoa beste ikastetxe batera aldatu zuten, eta bestean ez zioten arazorik nabaritu. Ertzaintza ari da kasua ikertzen, eta eskolaren ingurukoei ere lekukotasuna hartzekoa die. Jado eskolak esan du lagunduko duela ikerketan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna