Albistea entzun

Donostiako 70. Zinemaldia. KRITIKA. Zuzendari Berriak

Minutu gutxi batzuez

<em>Miyamatsu to Yamashita</em> filmeko irudi bat.
Miyamatsu to Yamashita filmeko irudi bat. DONOSTIAKO ZINEMALDIA Tamaina handiagoan ikusi

Uxue Arzelus -

2022ko irailak 22

'Miyamatsu to Yamashita/Roleless'

Zuzendariak: Masahiko Sato , Yutaro Seki eta Kentaro Hirase. Herrialdea: Japonia. Iraupena: 85 minutu.

Samurai batzuk korrika dabiltza. Norbait dute jarraika. Ezpatekin borrokan hasiko dira, eta hainbat gizon lurrera eroriko dira, larriki zauriturik edo hilik. Erasotzaileek alde egingo dute, eta lurrean dauden gizon horiekin geldituko gara. Horietako bat altxa, eta korrika hasiko da. Haren atzetik goaz. Kaletxo batean sartzean samuraien garaiarekin zerikusirik ez duen emakume bat ikusiko dugu, atrezzoz beteriko mahai baten aurrean. Gure gizon ustez zaurituak bere izena eta rola esango dizkio emakumeari, eta honek jantzi berri bat emango dio. Myamatsu zinemako estra da, pertsonaiatik pertsonaiara salto egiten du, buruhauste handirik gabe. Horrek ez dio bizitzeko diru nahikoa ematen; beraz, teleferiko batean ere lan egiten du. Topatuko duen aspaldiko ezagun batek ahaztuta zuen bere bizitza gogoratzen lagunduko dio.

Masahiko Sato, Yutaro Seki eta Kentaro Hirase japoniarrek hainbat labur zuzendu dituzte elkarrekin, baina Miyamatsu to Yamashita haien lehen film luzea da. Hiru gizonak izan dira filmaren zuzendari, gidoigile eta muntatzaileak.

Lehen eszenatik badu zerbait berezia. Myamatsuk antzezten dituen pertsonaien bidez, bizitzen ari den errealitate desberdinak ikusiko ditugu, eta eszena amaiera arte ez dugu jakingo zeintzuk diren errealak eta zeintzuk fikzio. Protagonistak berak ere ez dirudi argi duenik. Izan ere, minutu gutxi batzuetan bada ere, beste batzuen bizitza aritu da bizitzen, eta berea propioa ahaztu du. Zuzendariek errealitatearen eta fikzioaren arteko eszena horiekin jolastuko dute, Myamatsuren iragana ulertzeko piezak estra gisa egindako lanekin tartekatuz, eta filmaren amaiera arte ez dugu lortuko puzzle osoa eratzea.

Filmak planteamendu oso interesgarria duela iruditzen zait: errealitatean bizi ordez, fikzioa bizi nahi duen gizonaren istorioa. Gainera, fikzio hori minutu gutxi irauten duten estren rolean izateak are indar handiagoa ematen dio premisari, eta momentu kurioso eta barregarriak utziko ditu kontakizunean. Zuzendariek ondo jakin dute islatzen pertsonaiaren hustasun hori, cut entzuten den bakoitzean existitzeari uzten dion gizonarena; baina haren errealitatea eta iragana ezagutzera egiten duen bidaiak azalekoegia dirudi, are gehiago tratatzen den gaiaren gordintasuna ikusita. Istoriotik atera egiten zaituzten eszenak dira, eta Miyamatsu estraren bizitzara itzultzea espero duzu; baina beharbada hori da asmoa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Haritz Mujika, Gasteizen, gaurko saioan. ©Bertsozale elkartea

Haritz Mujika garaile laugarren final-laurdenean

Miren Mujika Telleria

695,5 punturekin gailendu da Haritz Mujika. Miren Artetxe izan du atzetik, 670 puntu eskuratuta

<b>Artze anaiak.</b> Txalaparta erakustaldia Iruñeko 1972ko Topaketetan. ©BERRIA

ARTE KONSTELAZIO BAT IRUÑEARI OPARI

Yasmine Khris

Iruñeko 1972ko Arte Topaketen 50. urteurrena ospatuko da aurten, eta orduko oroitzapenak bizirik dituzte batzuek. Xabier Morras margolariak, esaterako, kontrastez beteriko hiriaren irudia ekarri du gogora. Zentsurak, polemikek eta artisten aniztasunak ezaugarritu zuten topaketa.

 ©BERRIA

«72ko topaketen oroitzapena ez da anekdotikoa, baina ia»

Yasmine Khris

Ofizioz idazlea da Andres, baina komisario lanean arituko da aurten, 1972-2022ko Topaketetan. Urriaren 6tik 18ra eginen dira eta 70 jardunaldi baino gehiago antolatzeaz arduratu da.
Walter Salas-Humara (eskuinean), gaur egun The Silos osatzen duen hirukotearekin. ©BERRIA

Musikaren plazera

Mikel Lizarralde

1980ko hamarkadan AEBetan sortutako sustraidun rockaren ordezkari da The Silos, Walter Salas-Humararen proiektua. Bi kontzertu ditu Euskal Herrian egunotan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...