Albistea entzun

Emakumeen Nazioarteko Eguna. ARANTZA BASAGOITI

Hitz ikusezinak

Hamaika bide urratu ditu garapenerako lankidetzaren eta berdintasunaren alde, eta hainbatetan sumatu du emakumeen ahotsa gizonezkoena baino ahulagoa dela.
RAUL BOGAJO / ARGAZKI PRESS

Jon Rejado -

2015eko martxoak 8 - Gasteiz

Sentitu nuen nire hitzak ez zuela gizonezkoen hitzaren pisua». Arantza Basagoitik (Bilbo, 1968) Ekuadorren misiolari laiko egon zenean nabaritu zuen lehenengoz gizon eta emakumeen arteko berdintasunik eza. Emakume izateagatik haren ahotsak pisu apalagoa zuela sentitu zuen 25 urterekin. «Orduan hartu nuen emakume izatearen desabantailaren kontzientzia».

Gizartean parte hartzeko hamaika bide urratu ditu Basagoitik. Azaldu duenez, bide horietako batzuetan 25 urterekin bizi izan zuen hura antzeman du. Ezker Batuko kidea zenean, besteak beste: «Nire bizipen subjektiboan, nik sinesten nuen ez nekiela jakin behar nuen bezain beste». Sentipen hori, nolabait, «konplexu pertsonala» zela gaineratu du; nolanahi ere, alderdiko eta erakundeko emakumeen artean «oso konpartitua» zegoela uste du. «Orokorrean gehiago kostatzen zitzaigun oinarriko batzarretan parte hartzea».

Arabako Biltzar Nagusietan EBko ordezkari izan zen Basagoiti, eta han ere hitzaren botere apala sentitu zuen, beste behin; bertan, beste modu batean sumatu zuen, ordea. Biltzar Nagusiak «hitzaren etxea» izan beharko liratekeen arren, beste botere batzuen azpian zegoela azaldu du. Hitza «behar eta oreka politikoen» arabera erabiltzen zela. «Horri gehitzen badiozu emakume izateak zekarren bigarren mailako tokia... pentsa».

Atzera begirako hausnarketa eginda, ez zaio arraro egiten garai horretan bizi izan zuen hura, ezkerreko alderdian gertatu bazen ere. «Hain da zeharkakoa matxismoa... Nire ustez, eztabaidaren mamia da nola zaintzen ditugun zainduak izan behar direnak, baita gure burua ere, eta horri zer balio ematen diogun; horri heldu bitartean, berdin dio ezker edo eskuin».

Diskriminazio bikoitza

Emakumea izateagatik diskriminazioa bizitzeaz gain, ohikotik ateratzen den gorputz egitura izateak diskriminazio gehigarria ekarri dio Basagoitiri. «Nekez hitz egiten baduzu, gurpil aulkian mugitzen bazara, edo mugitzeko beste baliabideak behar badituzu, eta emakumea izanda, oso erraza da besteek zure izenean hitz egitea, zure borondatea alde batera utziz».

«Bizitzan parte hartzeko gorputz mota zehatz bat behar dugulako sinesmena oso sakona da, eta logika hori apurtzen dugunok oso kokapen zaila dugu». Sinesmen horrek zailtzen du pertsonek baldintza berdinetan hitz egitea, parez-pare, diskriminazio gehigarri horiek ezagutarazteko. Ikusarazteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mutilentzat bakarrik den Erain ikastetxea, artxiboko irudi batean ©Gorka Rubio/ Foku

Eusko Jaurlaritzak finantzaketa etengo die ikasleak sexuaren arabera banatzen dituzten ikastetxeei

Edurne Begiristain

Jokin Bildarratzek esan du «ahalik eta modu adostuenean» egin nahi dutela prozesua, eta ikastetxeekin harremanetan direla. Eusko Jaurlaritzak halako sei ikastetxe ditu itundurik.

Araban %70eko jarraipena izaten ari da greba, letradu elkarteen arabera. ©Juanan Ruiz / Foku

Epaitegiak «kolapsatuta», letraduen grebaren ondorioz

Maite Asensio Lozano

Hego Euskal Herriko letraduek astea bete dute gaur greba mugagabean. Soldatak igotzeko eskatu diote Espainiako Justizia Ministerioari.

Galduriko emakumea bilateko operazioan parte hartu duen lagileetako bat. ©SOS Deiak

Hilda topatu dute Loiun galduriko emakumea

Berria

Igandetik ari ziren 78 urteko andrearen bila.

Konstituzio plazako plaka. ©Iruñeko Udala

Gaztelera hutsean jarraituko du Iruñeko Konstituzio plazako plakak

Julen Otaegi Leonet

Baluarteko plaza zenari izena aldatu eta urtebetera, administrazioarekiko auzietako auzitegi batek erabaki du ez dela beharrezkoa hango plakak euskarazko izenik izatea.
 

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.