Noiz sortua: 2020-02-18 00:30:00

PAI, nahitaez; D eredua, nahita ere ez

Mendigorrian D eredua ukatu eta Castejonen PAI derrigortzeko erabakiek ezinegona sortu dute gobernuari eusten dioten taldeen artean
Carlos Gimeno Hezkuntza kontseilaria, Nafarroako Parlamentuan, artxiboko irudi batean.
Carlos Gimeno Hezkuntza kontseilaria, Nafarroako Parlamentuan, artxiboko irudi batean. IÑIGO URIZ / FOKU Tamaina handiagoan ikusi

Ion Orzaiz -

2020ko otsailak 18

Hezkuntza komunitatea, batetik, eta Hezkuntza Departamentua, bestetik. Hori ari da gertatzen Mendigorrian eta Castejonen (Nafarroa). Bietan ala bietan, argi eta garbi hitz egin dute ikastetxe publikoetako eragileek: Mendigorrian, D eredua nahi dutela; Castejonen, aldiz, ez dutela PAI programan segitu nahi. Kasu batean zein bestean, gurasoen zein ikastetxeen borondateari entzungor egin die Hezkuntza Departamentuak: D eredua nahi dutenei erantzun diete ezetz, Garesko eskolan izena eman dezatela; PAI programatik atera nahi dutenei ere ezetz, ingelesezko programaren «jarraitutasuna» bermatu beharra dagoela. Gurasoek, irakasleek edo ikastetxeetako zuzendaritza taldeek nahi edo ez.

Castejongo Dos de Mayo ikastetxe publikoan, duela zortzi urte ezarri zuten PAI, ingelesez ikasteko programa. Hango hezkuntza komunitateak, baina, «arazo ugari» antzeman ditu programaren ezarpenean: irakasleentzako prestakuntza urria, plangintzarik eza, eta, batez ere, maila akademiko eskasa kritikatu dituzte zenbait guraso, irakasle eta sindikatuk. Auzia ikastetxeko klaustroan eta Eskola Kontseiluan eztabaidatu, bozkatu eta aho batez onartu ostean, PAItik ateratzeko eskaera egin zuten. Ibilbide osoa egin eta gero, ordea, Hezkuntza kontseilari Carlos Gimenok (PSN) atzera bota zuen eskaera, «behar bezala justifikatuta» ez zegoelakoan.

Mendigorrian, atera ez, sartu nahi dute: D ereduan sartu. Hamalau matrikula eskaera jaso dituzte aurtengo aurrematrikulazio kanpainan, Julian Maria Espinal Olcoz ikastetxe publikorako. Horietatik, sei izan dira D ereduan ikasteko; gainerako zortziak, berriz, beste ereduetarako (A eta G). Erdarazko ereduetan matrikula egin duten haurrak arazorik gabe hasiko dira irailean herriko ikastetxean. Euskarazkoa hautatu duten familien geroa, berriz, kolokan dago: Hezkuntza Departamentuak ez du Mendigorrian D ereduko gela bat zabaldu nahi, argudiatuta gutxienez zortzi ikasle behar direla lerro berriak ezartzeko.

Bi auzi horiek hautsak harrotu dituzte Nafarroako Gobernuari eusten dieten taldeen artean. Atzo, Geroa Baik eta Ahal Duguk itun programatikoa sinatu zuten taldeen bilera egiteko galdegin zioten Maria Txibite lehendakariari, Mahai eta Eledunen Batzordean. «Castejon eta Mendigorriko kasuetan ez da ari betetzen akordio programatikoan esaten dena», esan zuen Uxue Barkosek, Geroa Bairen eledunak. Hezkuntza Departamentuak hartutako «zenbait erabakiri buelta emateko aukera» egon daitekeela gaineratu zuen. Ahal Dugu-ren izenean, Ainhoa Aznarez parlamentariak gobernuari eskatu zion men egin diezaiola «eskolaren gehiengoak eskatutakoari».

Gobernu itunetik kanpo egonagatik ere, Hezkuntza Departamentuaren erabakiak txarretsi zituen EH Bilduko Bakartxo Ruizek ere: «Mendigorriaren gisako eskolek bizirik iraun nahi badute, gakoa da D eredua ezartzea. Hala eskatzen dute gurasoek».

Arartekoa eta lehendakaria

Hain zuzen, beren egoera argitzeko eskatu dute Mendigorrian D eredua ezarri nahi duten familiek. Azaldu dutenez, Arartekoarengana jo dute laguntza eske, eta kexa tramiterako onartua diete jada. Maria Txibite lehendakariarekin ere batzartu nahi dute, eta bilera eskatu diote, «egoera bertatik bertara ezagut dezan eta guztion artean konponbide logikoena eta bidezkoena lor dezagun: Mendigorrian D ereduko linea irekitzea».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna