OMEk ez daki noiz erabakiko duen Sputnik txertoaz

OME Osasunaren Mundu Erakundeak ez du oraingoz erabakirik hartu Errusiako Sputnik V txertoaren inguruan, eta erabakia noiz etorriko den ere ez dakiela ziurtatu zuen atzo OMEko zuzendari Tedros Adhanom Ghebreyesusek. Gaiaz galdetuta, erabaki hori «afera tekniko» bat dela erantzun zuen. Gaia ikertzen ari direnak «modu independentean» lanean ari direla argudiatu zuen. «Beren lana bukatzean, ateratako ondorioei buruzko informazioa emango dute».