Albistea entzun

Ion Kepa Parot presoa baldintzapean askatzearen kontra agertu da fiskala

Euskal presoa baldintzapean aske uzteko seigarren galdea aztertu dute Parisen. Heldu den ekainaren 15ean emanen dute erantzuna
Elkarretaratzea egin zuten atzo Baionan, fiskalak Paroten auzian ukan duen jarrera salatzeko.
Elkarretaratzea egin zuten atzo Baionan, fiskalak Paroten auzian ukan duen jarrera salatzeko. BOB EDME Tamaina handiagoan ikusi

Oihana Teyseyre Koskarat -

2022ko maiatzak 14 - Baiona

Terrorismoaren Kontrako Parisko Auzitegiak atzo goizean aztertu zuen Ion Kepa Parot euskal presoa baldintzapean aske geratzearen galdea. Seigarren aldia da eskaera egiten duela, baina prokuradorea kontra agertu da berriz, «goizegi» dela argudiatuta. Nolanahi ere, ekainaren 15ean emanen dute erantzuna.

Julien Brunel Paroten abokatuak atsekabez hartu du prokuradorearen erabakia, testuinguruari begiratuta: «Paroten baldintzapeko askatasunaren kontra egin du gogorki, eta etsigarria da, Ipar Euskal Herriko egoera nola aldatu den ikusirik». Defentsak segurtatu du Parotek betetzen dituela baldintzapean aske geratzea lortzeko baldintzak: «Kartzelaldian 32 urte bete ditu; arrunt kaltegarria da». Ezezko erantzuna jasoko balu dei egiteko prest agertu da.

Bake Bideak ere gaitzetsi du prokuradorearen jarrera, eta «Euskal Herriko egoera politikoa mespretxatzea» egotzi dio. Hain zuzen, haren jarrera salatu eta Parot aske uztea galdetzeko elkarretaratzea egin zuten atzo arratsean Baionan. Ion Kepa Parotek 32 urte daramatza preso, eta egun Mureteko kartzelan da (Okzitania, 425 kilometro). 71 urte beteko ditu datozen egunetan.

Hark bezala, Jakes Esnalek ere 32 urte daramatza preso; baldintzapean aske geratzeko haren bigarren eskaera aztertuko du Parisko Dei Auzitegiak maiatzaren 19an. Izan ere, lehen epaiketa izan zuenean, eskaera ukatu egin zioten, argudiatuta baldintzapean aske geratzea lortzeko kartzelako proba ez zuela egin. Kasazio Auzitegira jo zuen orduan, eta arrazoia eman dio auzitegi horrek. Orain Parisko Dei Auzitegira itzuli da afera, eta maiatzaren 19an trenkatu beharko du hark.

Egun horretarako ere elkarretaratzea antolatu du Bake Bideak, Donibane Lohizunen (Lapurdi). Bestalde, heldu den ekainaren 11n manifestazioa eginen dute Baionan, «lurraldearen aniztasunaren adierazpen masiboa, bake prozesuaren aldeko engaiamendu zabala eta aitzinatze beharra» aldarrikatzeko.

Bake Bidearen abisua

Bake Bideak eta Bakegileek otsailean eman zioten hasiera desobedientzia zibilean oinarritutako fase berriari, euskal presoen auzian aurrerapausorik ez zela eta, Parisen blokeoa gaitzesteko. Hiru ekintza egin dituzte azken hilabeteotan, eta, iragarri dutenez, Esnalen eta Paroten auziei begira baiezkorik jaso ezean «Ipar Euskal Herria osoki blokeatzeko» prest dira.

Ion Kepa Parotek 2018an egin zuen baldintzapean aske geratzeko azken eskaera. Garaian, epaileak honela justifikatu zuen ezezkoa: «Hori onartzea ez litzateke biktimen eta parte zibilen interesen aldekoa, ezta gizartearen interesen aldekoa ere, ordena publikoari eragiten ahal dizkion nahasmendu larriak ikusita».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

AEBek «atzerriko talde terroristen» zerrendatik ezabatuko dute ETA

AEBek «atzerriko talde terroristen» zerrendatik ezabatuko dute ETA

Uxue Rey Gorraiz

Etxe Zuriak guztira bost talde aterako ditu aurki zerrendatik, Japoniako Aum Shinrikyo eta bi talde islamista tartean. Orain arte soilik hamabost talde ezabatu dira multzo horretatik.

Joseba Azkarraga eta Bego Atxa Sareko bozeramaileak, gaur, Gasteizen. ©Raul Bogajo / FOKU

Inkomunikazioan oinarritutako zigor guztiak baliogabetzeko eskatu du Sarek

Maddi Ane Txoperena Iribarren

Gainontzeko presoei ere Atristain doktrina aplikatzea galdegin du euskal presoen eskubideen aldeko mugimenduak: «Asko dira Xabier Atristainen egoera berean Auzitegi Nazionalak epaitu eta zigortu dituen euskal presoak».

Aitor Esteban, atxiboko irudi batean. ©JUAN CARLOS HIDALGO / EFE

Ikus-entzunezkoen Legeari 45 zuzenketa txertatzea adostu dute EAJk eta Espainiako Gobernuak

Iosu Alberdi

Agirretxeak jakinarazi du estatuak EITBn «eskua sartzea» eragotzi dutela.

Bozkaleku bat 2019ko maiatzaren 26ko hauteskundeetan, Donostian. ©GORKA RUBIO / FOKU

BOTO PAPERAK, HITZAURREAN

Jon O. Urain

Udaletako, foru aldundietako eta Nafarroako Parlamentuko agintaldiak azken hilabeteetan sartuak dira, urtebete falta baita hauteskundeetarako. Oro har, alderdiak udazkenean sartuko dira bozen dinamikan, baina horien bilakaerak eta portaerak arrasto batzuk ematen dituzte bozketan jokoan egongo denaz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...