JIRA
Mundu akabera
Ez dago egunotan Iruñeko inorekin atarramentu onik ateratzerik. Mundu guztia larri dabil, lanpetuta, ezin iritsita, sanferminak baino lehenago zereginak kitatu beharrez. Festetan itzuliko dira topaketa patxadatsuak, besarkada estuak, kanpora joan ez direnekin behintzat.
Udalean ere dena emanda ibiliko da udalbatza berria, sanferminei bere zigilua paratu ahal izateko. Programa goitik behera aldatu ez, baina ukitu batzuk seguru eman baietz. Iazko balorazioan oso kritiko azaldu zen berriro alkate dugun Maia jauna: Iruñeak kanpoan proiektatzen ari zen irudia aldatzeko plangintza atzeraezina behar zuen; jende gutxiago etorri omen zen. Kalean nik entzun bai, baina horrelako balioespenetan inork ez zituen onuragarritzat jo festa etxekoagoak.
Oker ibiliko nintzen, baina iaz ulertu nuen Maia kritiko azaltzen zela bortxakeria matxistaren auzia nola eramaten ari zen. Egunotako elkarrizketa batean dio ezetz, horretan guztiz bat datorrela Asiron alkatearekin. Iruñean elkarte askok lan handia egin dute, azpilan eskerga, kontu hauen inguruan. Gizartea aldatu da! Alkate berriak orain aletu ditu proposatzen dituen aldaketak (festen irudia hobetzeko kanpoan?): txupinazoa nork bota, ikurrinak ez dakit zer, txosnak non...
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
