Albistea entzun

JIRA

Ahotsak

Angel Erro -

2019ko ekainak 16

Frida Kahlorena izan daitekeen grabazio bat aurkeztu duten egun berean iritsi zait Urtzi Urkizuk idatzi artikulua, Jesus Mari Olano zenak 1964tik 1972 bitartean grabatutako euskal ekitaldien ingurukoa. Onlineko edizioan, adibiderako, Biurriak ye-ye taldea edo Mikel Laboa (Ramon Saizarbitoriak aurkeztuta) daude entzungai. Baita Gabriel Arestiren hitzaldi baten zatitxo bat ere. Hitz lauak zirrara handiagoa eragin dit.

Berez, Kahloren aurkikuntza da bakanagoa, ez baikenion ahotsa ezagutzen. Mexikar margolariaren inguruan dagoen mitomania gorabehera (gehiegizkoa, marka baten erakuskeriaren antz handikoa), irudipena dut haren ahotsaren kontua nabarmendu gabe igaroko dela, jendeak, baita zaleenek ere, ez ikusi eginda. Esatari profesional baten ahots eder eta hotza da audioarena, bere ustezkoegia. Nekez egiten du bat zabaldu duten artista tormentatuaren irudiarekin.

Arestiren ahotsak, bere olerkiak errezitatuz lehenagotik ezagutzen genuenak, berriz, arranditsu eta solemnea den arren, bera ere paperetik leitzen ari bada ere, badu tonu zalantzati bat (sinonimoen segidan erakusten duenez), magnetofonoaren beste aldean, etorkizun lauso honetan, entelegatuko duen euskaldunik izanen ote den (eta nolakoa) itauntzen duena.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...