Albistea entzun

JIRA

Bigarren dosia

Angel Erro -

2021eko urtarrilak 17

Europa gehienean asteburu honetatik aurrera hasiko dira COVIDaren kontrako txertoaren bigarren dosia jartzen, lehena jasotzearen zortea izan duten bakanei. Ez dakit honi buruzko berriek zer oihartzun izanen duten. Erraza da pentsatzea orain hiru aste baino epelago hartuko dugula denok, sinesgaitzago, albistegietan bigarren dosiaren irudiak emateko erabakia hartzen badute. Ez ukatzaile bihurtu garelako, hasierako gogoberotasuna baretzera (edo gogobaretzera) eraman gaituztelako baizik.

Mundu guztia bat dator txertaketaren erritmo patxadatsua bizkortu beharko luketela talde immunitatearen helburura noizbait, ahal izanez gero aurten, iritsiko bagara. Lehen plangintzak ikusita, udarako denok egonen ginateke txertatuta. Datuak dira uzten diguten baikortasun eremu bakarretarikoa.

Europa munduaren museoa da eta ez dago, gehiago ala gutxiago, turismotik bizi ez den herrialderik. Hori izan nuen nik itxaropen ia bakarra. Horregatik bada ere, lehiatuko dira, uste nuen. Ezin izanen dute bigarren udaldi bat galdu. Dagoeneko ez dakit zer pentsatu. Hobe izaten da espektatiba handirik ez edukitzea.

Bigarren edo lehenengo dosia hozkailuan gordeta dagoen minutu bakoitza isurbidetik botatako denbora, dirua eta osasuna da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.