G7koen goi bilera Miarritzen

Itsasargiaren magalean, ostertz iluna argitu nahian

G7koek goi bilera abiatu dute Miarritzen, ziurgabetasuna eta zatiketa protagonista dituztela. Gerra komertziala, klima larrialdia eta 'brexit'-a izango dituzte hizpide, besteak beste
<b>Miarritze.</b> Boris Johnson, Angela Merkel eta Emmanuel Macron, atzo, laneko bilera batean.
Miarritze. Boris Johnson, Angela Merkel eta Emmanuel Macron, atzo, laneko bilera batean. ANDREW PARSONS / EFE Tamaina handiagoan ikusi

Ander Perez Zala -

2019ko abuztuak 25

Aurtengo G7koen goi bilera Emmanuel Macron Frantziako presidentearen bilera da. Haren gobernuari egokitu zaio hitzordua antolatzea, eta aukera ezin hobetzat hartu du Frantziaren nazioarteko irudiari eta pisuari bultzada bat emateko. Haizea, ordea, ez du erabat aldeko izango agintariak: zazpi estatuburu eta gobernuburuen arteko zatiketa nabarmena da gai askoren inguruan; desadostasunak sakonak dira, eta ziurgabetasuna izango da bilerako protagonista nagusia, Donald Trump AEBetako presidentearen jarrerarekin batera. Agian horregatik erabaki zuen Macronek atzo gainontzeko agintariekin izan zuen afaria Miarritzeko itsasargian egitea, gaurko eta biharko ostertz iluna argitzeko asmotan.

Agintariak jakitun dira egoera ez dela egokiena. Donald Tusk Europar Kontseiluko presidentea izan zen ohartarazpena egiten lehena, atzo eguerdian: «Oraindik ez dago argi irtenbide komunak adostuko ote ditugun. Aurtengoa azken aukera izan liteke gure komunitate politikoa berreskuratzeko». Macron ere aukera horren beldur da, eta hori iradoki zuen aurrez grabaturiko bideo batean, Miarritzeko hondartza atzean zuela: «G7 hau baliagarria izatea nahi dut».

Gaur eta bihar mahai gainean jarriko dituzten gaiak gatazka iturri bilakatuko dira, zalantzarik gabe. Trump hitzordura iritsi da Txinari ezarritako muga zergak handituta, eta ikusteko dago zer-nolako gatazka sortuko duen auzi horrek, agenda bere eremura eramatea lor baitezake; gai horri begira, Frantziako presidenteak atzo adierazi zuen agintariei ohartaraziko diela «tentsio komertzialak» txarrak direla guztientzat, eta egoera «egonkortzeko beharra» dagoela. AEBen eta Iranen arteko harremana, Amazoniako suteak amaitzeko beharra, Siriako eta Libiako gerren egoera eta Errusiarekiko jarrera ere izango dira eztabaidagaiak.

Johnsonen estreinakoa

Boris Johnson Erresuma Batuko lehen ministroaren estreinako nazioarteko goi bilera da egunotakoa, eta arretaz jarraitu beharreko hitzorduak izango ditu gaur: bata, Tuskekin, brexit-az aritzeko; eta bestea, Trumpekin, Erresuma Batuaren eta AEBen arteko harremanaz aritzeko. Eta, jakina, bi agintariek elkarrekin utziko duten irudia ikusteko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna