Albistea entzun

Sarek salatu du euskal presoen %36 urruntze politiken menpe daudela

Azken lau urteetan hartu diren erabakien balorazioa egin du, etsipena ezkutatu ezinik: «moteltasun ulertezin» bat ikusten dute erabakietan
Sareren manifestazioa, atzo, Iruñean.
Sareren manifestazioa, atzo, Iruñean. IDOIA ZABALETA / FOKU Tamaina handiagoan ikusi

Erredakzioa -

2022ko ekainak 19

«Gaur lau urte bete dira Pedro Sanchez presidenteak publikoki esan zuenetik Espainiako Gobernuak hiru hamarkada luzez aplikatutako salbuespeneko espetxe politika kentzeko eta espetxe politika arrunta ezartzeko prozesu bati ekingo ziola», azaldu zuen atzo Nafarroako Sareko ordezkari Mikel Mundiñano Larrazak, erakundeak Iruñean eginiko mobilizazioaren amaieran. Balantzea egiteko garaia zela argudiatuta, datu bat eman zuen prozesua nahi luketen baino motelago doala esateko: «Urruntze politika amaitzeko lehen urratsak egin dira azken urte hauetan, baita graduen progresioa ere. Baina, lau urteren ostean, oraindik ere euskal presoen % 36 urruntze politika horren menpe daude».

Ez dute hor bakarrik ikusten hobetu beharra. «Lehen gradua amaitu den arren, bigarren gradutik hirugarrenera pasatzeko urratsa edota baimenak eskuratzekoa 21 presori soilik onartu zaie», salatu zuen. «Datuek moteltasun ulertezin bat islatzen dute, are gehiago azken asteetan. Izan ere, ia bi hilabete igaro dira azken Euskal Herriratzea gertatu zenetik. Zertara dator moteltasun hau? Are gehiago, zertara dator geldialdi hau?».

Hori salatzeko izan zen atzoko manifestazioa. Lanean segitzeko deia egin zuen Sarek: «Bereziki, hasitako bideari bultzada ematen jarraitzeko. Argi baitugu jendarte zibilaren aktibazioari esker iritsi garela honaino eta urratsak egiten jarraituz. Salbuespeneko espetxe politika behin betiko amaitzeko aukera dugu esku artean, eta lortu artean ez gara pausatuko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

PSNk atea itxi dio Mañeru eremu mistoan sartzeari

Berria

Etzi bozkatuko dute proposamena parlamentuan. Alzorrizek esan du ez dela gaiaz «hitz egiteko garaia»
Maria Txibite Nafarroako Gobernuko lehendakaria eta Ramon Alzorriz, PSNko bozeramailea, Nafarroako Parlamentuan. ©JESUS DIGES / EFE

PSNk atea itxi dio Mañeru eremu mistoan sartzeari

Xabier Martin

Jakina zen Navarra Sumak ezezkoa emango ziola Euskararen Legea aldatzeko proposamenari, eta, orain, PSNk iragarri du harekin batera bozkatuko duela, Mañeru ez dadin sar eremu mistoan.

Odon Elorza, 2021eko urtarrilaren 22an egindako agerraldi batean. ©Gorka Rubio / Foku

Odon Elorzak dimisioa eman du diputatu gisa

Jon O. Urain

Donostiako alkate ohiak aitortu du PSOEko zuzendaritzarekin «desadostasunak» saihesteko hartu duela erabakia. 11 urte egin ditu Espainiako Kongresuan.

Onintze Oleaga eta Unai Urruzuno, otsailaren 11ko topaketa aurkezten. ©/ EH Bildu

EH Bilduk jardunaldi munizipalistak egingo ditu otsailaren 11n

Jon O. Urain

Bost erronkaren inguruan ariko dira, eta indar subiranistak saio horrekin abiatuko du udal hauteskundeetako kanpaina.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.