Albistea entzun

Etxebizitza eskubidea bermatuko duen lege bat eskatu dute kalean

Manifestazioak egin dituzte Hego Euskal Herriko lau hiriburuetan. Besteak beste, alokairu sozialeko etxebizitza gehiago eskatu dituzte
Donostian atzo egin zuten manifestazioa.
Donostian atzo egin zuten manifestazioa. GOTZON ARANBURU / FOKU Tamaina handiagoan ikusi

Lander Muñagorri Garmendia -

2021eko martxoak 21

Etxebizitza eskubidearen aldarria kalera atera zen atzo Hego Euskal Herriko lau hiriburuetan. Ehunka herritar mobilizatu ziren etxebizitza eskubidea bermatuko duen lege bat aldarrikatzeko, eta alokairuak norberaren diru iturrien araberakoak izan daitezela eskatzeko, sinetsita horrela aurre egin ahal izango zaiola espekulazioari. Martxaren deitzailea Etxebizitza Eskubidearen Aldeko Euskal Ekimena izan zen —bertako kide dira, besteak beste, Kaleratzeak Stop, SOS Arrazakeria, ELA, LAB, CCOO, UGT, CNT eta EGK—.

Donostiako manifestazioa amaitu zenean, Marce Garcia Stop Kaleratzeak plataformako kideak irakurri zuen manifestua: «Bada garaia estatu osorako balioko duen lege bat lortzeko; ahalbidetu beharko luke maniobrarako tarte txikia uztea banketxeei, etxe agentzia handiei eta putre funtsei». Kontrara, etxebizitza eskubide gisa onar dadila jaso beharko luke plataformak eskatzen duen araubideak, eta «negozioa egiteko bitarteko izateari utzi diezaiola» eskatu zuten. Alokairu sozialeko parkea handitu behar dela esan zuten egitasmoko kideek, baita ura, argindarra eta gaserako bitartekoak bermatu daitezela ere.

Etxebizitza Eskubidearen Aldeko Euskal Ekimenak egin dituen eskaera horiek Madrilera begira eginak dira. Ez dira kasualitatez egindakoak; izan ere, Espainiako Gobernuko kide diren PSOE eta Unidas Podemos alderdiak etxebizitza arautuaren legea eztabaidatzen ari dira orain, eta bien artean tirabira ugari piztu ditu egunotan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Idurre Eskisabel. ©Euskalgintzaren Kontseilua

Idurre Eskisabel izango da Euskalgintzaren Kontseiluko idazkari nagusi berria

Julen Aperribai

Karguan hamabi urte egin dituen Paul Bilbao ordezkatuko du Durangon, Kontseiluaren 25. urteurreneko ekitaldian. Lehentasuntzat jo du «kohesio sozialaren eta justizia sozialaren arloan» lan egiten duten eragileekin aliantzak sendotzea.

Feministalidaren hamazazpigarren edizioaren aurkezpena, gaur, Donostian ©Andoni Canellada / FOKU

‘Ahoa narras’ izenburupean egingo dute Feministaldiaren hamazazpigarren edizioa

Isabel Jaurena

Azaroaren 30etik abenduaren 3ra bitarte izanen da jaialdia, Donostiako Tabakaleran.

Galdakaon egindako agerraldia ©Aritz Loiola / Foku

Galdakaon bi familia kaleratzeko arriskuan daudela salatu dute

Gotzon Hermosilla

Galdakaoko Etxebizitza Sindikatuak esan duenez, «putre funtsak Euskal Herrira iritsi dira; orain da geldiarazteko garaia».

Donostiako geltokia, artxiboko irudi batean. Gaur zen martxan jartzekoa behin-behineko geltoki berria. ©Gorka Rubio / FOKU

Renfeko 10.000 erabiltzaileri baino gehiagori eragin die Andoain eta Irun arteko etenak

Berria

Gaur jarri dute martxan Donostiako behin-behineko geltokia, baina espero baino beranduago. 04:00 aldera ziren zirkulazioa zabaltzekoak; arazoa, ordea, 12:30erako konpondu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.