Euskal Herriko bake prozesua babestuko du Kataluniako Parlamentuak

Foro Sozialak erronda egin du alderdiekin, eta bilera Torrent presidentearekin. Diotenez, «argi geratu» da gehiengo zabal baten babesa
Teresa Toda eta Agus Hernan, atzo, Roger Torrentekin.
Teresa Toda eta Agus Hernan, atzo, Roger Torrentekin. BERRIA

Erredakzioa -

2018ko uztailak 13

«Kataluniako Parlamentuko gehiengo zabal batek Euskal Herriko bakearen aldeko egitasmo bat babestuko du». Horixe da Foro Sozial Iraunkorreko kideek hango alderdiekin egindako errondatik ateratako ondorio nagusia. Agus Hernan eta Teresa Toda bozeramaileek egin dituzte bilerak Junts per Catalunya, PSC, CUP, ERC, Catalunya En Comu Podem eta CUP alderdiekin, eta baita CCOO eta UGT sindikatuekin ere. Atzo amaitu zuten bi eguneko erronda, parlamentuko presidente Roger Torrentekin egindako bilerarekin. Haien ustez, «argi geratu da» Euskal Herriko bake prozesuari babesa emateko «gehiengo zabal batek» erakutsitako borondatea.

Bartzelonako Udalak joan den ekainaren 29an onartu zuen Euskal Herriko Bakearen Aldeko Adierazpena —han jasotzen da, besteak beste, «Euskal Herriko bizikidetzarako giza eskubideen babesa ardatz nagusitzat eta erreferentzia bakartzat hartzea», baita giza eskubideen urraketak «ez errepikatzeko bakearen kultura sustatzea ere»—. Gehiengo zabal batekin onartu zen hura, eta haren edukiak eta prozedura Kataluniako Parlamentuko alderdiei eta presidenteari aurkeztea izan da Foro Sozial Iraunkorreko kideen helburua. «Parlamentuan ere onartzeko aukerak aztertu ditugu», nabarmendu dute.

Eta erantzuna positiboa izan den arren, ez dute zehaztu noiz eta nola egingo den adierazpen hori babesteko urratsa. Foro Sozial Iraunkorrak argi dauka ETA desagertu ostean Espainiako Gobernuko presidentea, PSOE eta beste eragile garrantzitsu batzuk espetxe politika egokitzearen alde agertu direla, «eta egokitzapen horretarako EAEko eta Nafarroako gehiengo politiko, sozial eta sindikalaren babesa izango dutela badakite». Nabarmendu dute presoek pausoak emateko borondatea publiko egin dutela, «erantzukizunez eta egindako mina aitortuz».

Baina badakite Euskal Herrian sortu den agertoki berria «ez dela ondo ulertzen» Espainian. Hori dela eta, aurreikusten dute «sektore batzuk» espetxe politikaren aldaketa «oztopatzen» saiatuko direla. Eta iragarri dute Bartzelonan eta Katalunian hasitako bidea Espainiako beste leku batzuetara eramango dutela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna