Lege bat onartu dute joko aretoak urrun egoteko eskoletatik

2022ko ekainak 24

Joko aretoak ezingo dira nonahi ireki Nafarroan aurrerantzean. Nafarroako Parlamentuak Jokoaren Foru Legea onartu du. Horren ondorioz, joko aretoek, besteak beste, gutxienez 400 metrora egon beharko dute leku hauetatik: ikastetxetatik; hemezortzi urtetik beherakoentzat araututako ikasketa guneetatik; gazteentzako guneetatik; osasun etxe, aisialdi areto eta kultur etxeetatik; buru osasuneko zentro eta desgaitasun fisikoren bat duten pertsonak dauden egoitzetatik, eta ludopatia arazoak izan dituztenak osatzeko dauden egoitzetatik.

Nafarroako foru araua PSNk, Geroa Baik, EH Bilduk eta Podemosek onartu dute. Navarra Suma eta Ezkerra abstenitu egin dira. 2019an hasi ziren lege proposamena lantzen. Helburua da ludopatia prebenitzea, kolektibo zaurgarriak eta adingabeak babestea, eta joko arduratsua sustatzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna