Albistea entzun

Ezin dute mamurik uxatu

Aurretik hasi badira ere, dena alde zutela, 20-22 galdu dute Jakak eta Arangurenek Labriten
Erik Jaka erremate bat egiten atzo, Labriten, atzean Beñat Rezusta eta Aitor Aranguren dituela.
Erik Jaka erremate bat egiten atzo, Labriten, atzean Beñat Rezusta eta Aitor Aranguren dituela. JAGOBA MANTEROLA / FOKU Tamaina handiagoan ikusi

Beñat Mujika Telleria -

2023ko urtarrilak 8

Partida arraroa jokatu zuten atzo, Iruñeko Labriten Jaka-Aranguren eta Peio Etxeberria-Rezustak. Aspeko bikoteak irabazi zuen (20-22). Hasiera-hasieratik aurreratu ziren markagailuan Jaka eta Aranguren, baina, zazpi punturen aldea lortu bazuten ere (14-7), amaieran ihes egin zien partidak. Peio Etxeberriaren susperraldiak eman zien laugarren garaipena jarraian Aspekoei. Baikokoak, aldiz, burua altxatu ezinda dabiltza, eta azken postuan jarraituko dute.

Peio Etxeberriak oker ekin zion partidari. Baikoko bikotearen lehenengo lau tantoak Zenotzeko aurrelariak galdutakoak izan ziren, eta partidan sartu ezinda aritu zen. Jaka eta Aranguren ahalegindu ziren Aspeko aurrelaria mugiarazten; ez zioten pentsatzen utzi nahi, eta gozakaitz aritu zen. Baikoek ez zuten partida hasiera bikainik egin, baina, aurkarien hutsak aprobetxatuz, 14-7 jarri ziren aurretik.

Bazirudien Baikokoek bigarren garaipena eskuratuko zutela, baina ez zen halakorik gertatu. Peio Etxeberria gehiago sartu zen jokoan, eta partida zoro bihurtu zuen. Batzuetan asmatuta, eta besteetan huts eginda, baina helburua lortu zuen aurrelariak. Gorriei, nekearekin batera, aurreko partidetako mamuak etorri zitzaizkien gainera, eta, zenbait huts egin eta gero, markagailua berdintzea lortu zuten Aspekoek (19-19), arratsaldean lehenengoz. Zirt edo zart egin zuen orduan Peio Etxeberriak, eta, hasieran huts egindakoen ordainetan, amaieran asmatu zuen.

Iazko finalistetako hiru, gaur

Partida handia jokatuko dute gaur Donostian Laso-Imaz eta Altuna-Tolosak. Iazko lau finalistetatik hiru arituko dira nor baino nor gehiago, eta zaleak aurrelariei begira egongo dira. gaur egungo onenetarikoak baitira. Garaipen bat gehiago dauka Aspeko bikoteak, baina sailkapenean berdintzeko aukera dauka Baikokoak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©UNAI UGARTEMENDIA

«Oso balorazio positiboa egin dut azken denboraldiaz»

Unai Ugartemendia

Mendiko eski denboraldiko ezusterik handienetako bat izan da Jon Ander Aranburu zumarragarra. Azken urteetan erakusten ari zen gorakada etengabearen ondorio izan dira aurtengo denboraldian lortutako emaitzak. Lau txapel irabazi ditu. Aurtengoari segida emateko gogo biziz ekingo dio datorren denboraldiari.
 ©ARITZ LOIOLA / FOKU

Altunaren finalak, haren hitzetan

Julen Etxeberria

Amezketarrak laugarrenez jokatuko du Lehen Mailako buruz buruko finala. «Oroitzapen ederra» du irabazitako biez. Galdutakoa, ordea, gerora «irakaspen handia» izan zela azaldu du. «Gogotsu eta sasoi betean» iritsiko da igandeko partidara. Aitor Elordi goratu du.
Realeko jokalariak igandean Metropolitano estadioko berdegunean. ©RODRIGO JIMENEZ / EFE

Arrakasta gogoangarri bat

Jon Ander De la Hoz

Reala Txapeldunen Ligarako sailkatu da hamar urte geroago. Txuri-urdinek bete-beteko sasoia osatu dute, eta horrek modua eman die jardunaldi baten faltan helburua egia bilakatzeko.

 ©ALESSANDRO DI MARCO / EFE

Umiltasunaren garaipena

Iñaki Berastegi

Hiru hilabete eskasean Jose Luis Mendilibarrekin maitemindu dira Sevillaren zaleak. Europa ligako finala jokatuko dute Mourinhoren Erromaren aurka, etzi (21:00).

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...