Noiz sortua: 2018-01-28 00:30:00

Euskal Elkargoaren urteurrena. Arloz arlo

Ekonomia. Elkarrizketa sozialaren bila

Beste sail gehienetan bezala, ekonomiakoa egituratzen pasatu dute urtea. Orain, taldea osatua da, baina egitasmo politikoa idaztea falta zaie. Tresna batzuk eskura dituzte. Sailburuak laborantza eskumenari eman nahi dio garrantzia.
<em>Macron legeak</em> lan mundua aztoratu du. Ipar Euskal Herrian, langileen eta nagusien ordezkariak elkartu dira.
Macron legeak lan mundua aztoratu du. Ipar Euskal Herrian, langileen eta nagusien ordezkariak elkartu dira. ISABELLE MIQUELESTORENA Tamaina handiagoan ikusi

Joanes Etxebarria -

2018ko urtarrilak 28

Elkargoa barne egituraketan ari den bitartean, duela bost urte abiatu talde bat aitzina ari da elkarrizketa sozialerako elkarte baten inguruan. Langile eta nagusi sindikatuak, hasieran, Garapen Kontseiluaren gerizpean biltzen ziren, eta iaztik elkarte bat osatu dute.

Macron legeak nagusien eta langileen arteko elkarrizketak enpresen esparrura mugatzeko xedea duela salatu da karrikan azken hilabeteetan. «Enpresa bakoitzean negoziatuz, desoreka sortuko da enpresen artean, eta hori ez da ona ez langileentzat, ez enpresentzat, bidegabeko lehia eraginen bailuke», trenkatu du LAB sindikatuko Eñaut Aramendik. Horregatik ari da sindikatu abertzalea «Euskal Herrian erabaki» behar dela aldarrikatzen azken urteetan, sindikatuen arteko mahaia segitzearekin batean.

Patronalaren sindikatuak ere elkartearen parte dira. Medef hasieran bai, baina atzera egin zuten azkenean. CPME sindikatuko Sebastien Carre elkarteko kide da berriz, eta elkarrizketaren garrantzia azpimarratu du: «Enpresan arazo bat sortu aitzin, mahai baten inguruan jartzen gara, eta mintzatu gaitezke».

Haatik, elkarrizketari lege esparrua ematekotan, Lekuko Batzorde Parekide bilakatu behar luke oraingoz elkarte denak. Carrek ez du uste jauzia egitekotan daudenik: «Ez da aktualitatean batzorde hori sortzea. Sortu berriak gara, eta saiatzen gara ongi egituratuak izaten, ahalak ukaiten behar den bezala lan egiteko».

LABen analisia bestelakoa da aspalditik: «Langileen eskubideak ahal bezainbat babesteko, Ipar Euskal Herrian behar dugu negoziazio eremu bat ahal bezainbat oztopatuko duena Macron legea». CGT langile sindikatua eta nagusien Medef taldean ez izanik ere «aitzina» segitzen dutela dio CPMEko ordezkariak. Euskal Elkargoak, berriz, beste lehentasun batzuk ukaitea «ulertzen» du Aramendik, baina bi ordezkariek espero dute hautetsien sostengua.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna