Albistea entzun

UHINETATIK TIRAKA

Zer den iraina, zer ez

Xabier Lasa -

2020ko uztailak 12

Kritika, iraina. Asaldatuta dabiltza hamarkadetan monarkia ustela jatortasun gorenaren eredu gisa saldu diguten kazetariak, Madrilgo gortean. Asaldatuta ez morroiaren fidelkeriaz jokatu izanagatik autokritika egiten ari direlako, baizik eta Iglesias eta Echeniquek beren klub klasistako kide bati erasotu omen diotelako. Vicente Valles A3eko aurkezlea izan dute jomugan bi politikariek, esanez eskuinaren alde diharduen manipulatzailea dela, eta gehituz kazetariak ere kritikagarriak behar dutela izan. Bada, kanpaina polita antolatu dute, biei egotzita iraina naturalizatzea eta adierazpen askatasunari erasotzea. Aintzarako hautatuko jainkotiar sentitzen diren kazetari batzuk nabarmendu dira zeregin horretan; Eduardo Inda iraingintzan katedratikoa, egunero aupatzen duen La Sextako aurpegi ezagunenak tartean. Ser kateko ahots goratuenek ere bat egin dute horiekin; irrati etxe horretan irainen neurgailua aspaldi behar du egon matxuratua, bestela ez da ulertzen goizero irainen hiztegia ondoan duela mintzatzen den Carlos Herrera COPEko esatariari nola eman izan dioten Ondas saria sei alditan, iaz azkenekoz, profesional ezin bikainagoa izendatu ostean.

Vizcaino ezinegonean. Onda Vascan ahots estandartea den Javier Vizcaino bilakatu da protagonista antzeko kontuekin orain aurretik; maila apalagoan eta sare sozialetan, hori bai. Albistegietan eta tertulietan zuhur samar azaltzen du bere pentsaera, gero iritzi zutabean eta Twitterren husten ditu barruak; zilegitasun osoz hustu ere, luma bizi eta zaztakorra erabiliz. Erreparo gutxi dauka kalifikatibo gordinez astintzeko aurkari ideologikotzat dituenak, eta egunotan antzeko tonuaz erantzun diote Twitterren —batzuek, izen-abizenez; besteek, anonimatuan ezkutatuz—. Halakoak normalean kirol legez onartzen baditu ere, ezinegona adierazi du oraingoan elkartasuna eskatuz. Batek printzipio xume bat gogorarazi dio: Twitter ez da frontoi jokoa, tenisa baizik; zuk tiro egiten baduzu, erantzun egiten dizute. Inork ez erantzutea nahi baduzu, eratu telegrameko kanala.

Jarri lanean. Korporatibismo klasistak eta kazetari ukiezinaren idealizazioak saihestu, eta kazetarien elkarteak behingoz defini dezatela, semantikan, etikan eta bestetan aditu direnen laguntzaz, ea zer den kritika egitea, zer iraintzea, zer erasotzea…

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ENDIKA PORTILLO / FOKU

«Ondo gozatzea dagokigu, pribilegiatu batzuk baikara»

Unai Etxenausia

Txikien eguna ospatuko dute gaur Gasteizen. Berganzo eta Ferrera arduratuko dira aurten Edurne eta Zeledon Txiki antzezteaz. Andre Maria Zuriaren plazan izango da jaitsiera.
Arana Goiriren eskultura, Bilboko Albia lorategian. ©ZALDI ERO

«Bizkaia foral eta euskaldun bat baina arrazaz maketo, nardagarria izango litzateke»

Miel A. Elustondo

«Haren argibidez ni jabetu / enegan bazela norbait atxilotu. / Orduan jaitsi nauzu leizera; nork gure muinean dugun itzalera». Xabier Lizardi dugu, Sabino Arana Goiriren argibideei aitortza eginez. Beti guztion eskura Bilbon dela jakin dugularik, haraxe joan gatzaizkio galdezka, Albiako lorategietara. Gogoetagai ibili zituenetako batzuez jardun digu euskotar euskaldunak.
Zerua izarrez beteta Iruñeko Planetarioan, 2022ko pertseiden prentsaurrekoan. ©JAGOBA MANTEROLA / FOKU

Zeruko ikuskizunik ederrena

Ane Etxandi

Iruñeko Planetarioak irteera bat antolatu du abuztuaren 12an izar iheskorrak ikusteko; aurten Erronkariko bailaran izanen dira. Film berri bat aurkeztu dute, argi kutsaduraren ingurukoa.
Miren Urbieta-Vega soprano donostiarra kantuan ariko da. ©MICHAL NOVAC

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.