Albistea entzun
Emakumeen aurkako indarkeriari ez
Emakumeen aurkako indarkeriari ez

Donostiako 60. Zinemaldia. Kritika. Zuzendari Berriak

Familia baten gorabeherak

Beñat Eizagirre Indo -

2012ko irailak 30

'Draussen ist Sommer/Summer Outside'

Zuzendaria: Friederike Jehn.

Herrialdea: Alemania-Suitza.

Iraupena: 91 minutu.

Friederike Jehn alemaniarrak familiaren gai korapilatsuari arreta eskaini nahi izan dio bere bigarren lan honetan, baina tamalez ez du betierekotasuna lortzerik izango. Haizeak ekarri bezala eramango du; zinemaldia amaitzerako inor gutxik izango du gogoan Draussen ist Sommer/Summer Outside existitu zenik ere. Drama arruntegia gertatzen da, ez dauka ezer berririk eskaintzeko. Ez dauka azpimarra daitekeen ezer, eta oroimenaren zuloan barrena desagertuko da. Denborak berehala irentsiko du. Zuzena eta arrunta izatea ez da honelako zinemaldi batean nabarmentzeko ezaugarri aproposena. Erraz jarrai daitekeen istorio bat kontatzen digu, eta erritmo egokia baliatzen du horretarako, baina planteamendua edo kontzeptua argi edukitzea ez da nahikoa izaten, tratamenduarekin asmatu beharra baitago. Gaia interesgarria da, baina narrazioak ez du barnean eragiteko adina indar. Hotz uzten du. Protagonista nagusia Wanda izeneko neskatoa da, eta 14 urte ditu. Bakarrik sentitzen da, eta ez da bere lekua aurkitzeko gauza. Uda gozatzeko garaia da, baina etxe aldaketak, batetik, eta gurasoen arteko etengabeko hika-mikek, bestetik, ez diote behar duen babesa ematen. Alemaniatik Suitzara aldatu ostean, lagun berriak egin beharko ditu, eta zaila gertatuko zaio testuinguru berrira egokitzea. Eta liskarrek ez dute areagotu besterik egiten. Inkomunikazioari eta bakardadeari aurre egin beharrean aurkituko da, beraz, eta heldutasunez jokatu beharko du. Helduen mundura bakarrik igaro beharko du. Bestalde, bere sexualitatea deskubritzeari ekingo dio, eta auzoko perbertituaren laguntza edukiko du horretarako. Auzokoaren pertsonaia soberan dago.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Nerea Ibarzabal kantuan, bertsokideak atzean dituela. ©BOB EDME

Lehoiaren ahoan sartu du burua

Miren Mujika Telleria

Nerea Ibarzabalek irabazi du Baionako saioa, eta, lehen itzuliko puntuak batuta, ia ziurtatua du Iruñerako sailkatzea. Datorren astean argituko da nortzuk ariko diren finalean
Michael Jacksonek 24 urte zituen <em>Thriller</em> kaleratu zuenean. ©BERRIA

Pop musika irauli zuen diskoa

Mikel Lizarralde

1982an argitaratu zuen Michael Jacksonek 'Thriller', eta, 40 urte geroago, historian gehien saldutako diskoen artean segitzeaz gain, kantariaren obra nagusia da. Hainbat bitxikeriarekin berrargitaratu berri dute.
'Bilketa.eus' atariko pantaila irudi batzuk ©BERRIA

Artxiboetan barna sartzeko

Iñaki Etxeleku - Ipar Euskal Herriko Hitza

Baionako mediatekak zutik eman 'Bilketa.eus' ataria berritu dute. 26.000 dokumentu biltzen ditu digitalizaturik, eta ikerketa bide berriak eskaintzen ditu. Bilatu nahi den hitz oro kausi daiteke edozein dokumentutan. Liburu zaharrak, ikonografiak, prentsa zaharra… denetarik atzeman daiteke.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...