Gehiengo sindikalak elkarretaratze bat egin zuen atzo, Eibar eta Ermua lotzen dituen biribilgunean. Mobilizazioan, Zaldibarko zabortegian aritzen diren langileen salaketa anonimo baten berri eman du LABek. Sindikatuari igorritako ohar batean, langileek azaldu dute «babesgabe» sentitzen direla: «Geure burua babesteko materialak eman dizkigute, baina azalpenik gabe, gutxieneko protokolorik gabe noiz jantzi, nola erabili eta noiz erantzi jakiteko, eta inolako bermerik gabe. Baliteke langile askoren osasuna arriskuan egotea».
Ernai gazte erakundeak ere mobilizazioak egin ditu zenbait herritan, Zaldibarko auzia argitzea eta Zubietako erraustegia geldiaraztea eskatzeko. Esan dutenez, EAJk eta PSEk Zaldibarren egin duten kudeaketa «negargarria» izan da, eta hartutako neurriak, «aurpegia garbitzeko ahalegin penagarria».
Ingurumena. Luizia Zaldibarren
Langileek salatu dute «babesgabe» sentitzen direla
Iruzkinak
Ez dago iruzkinik
Ordenatu