Albistea entzun

Korridore humanitario seguruak ezartzeko eskatu du Irungo Harrera Sareak

Asteazkenean Bidasoan aurkitutako gorpua aberriratzeko laguntza eskatu du plataformak, baita mugako «kontrol arrazistak» kentzeko ere
Atzo Irunen egindako elkarretaratzea.
Atzo Irunen egindako elkarretaratzea. MAIALEN ANDRES / FOKU Tamaina handiagoan ikusi

Iosu Alberdi -

2022ko apirilak 3

«Bidasoa izenik gabekoen ibaia izan ez dadin», elkarretaratzea egin zuten atzo eguerdian Irungo (Gipuzkoa) San Juan plazan. Asteazkenean ibaian gorpu bat aurkitu izanak bultzatu du Irungo Harrera Sarea kalera ateratzera: «Heriotza hau ez delako ustekabekoa».

Guardia Zibilak ez du jakinarazi norena den gorpua, baina Irungo Harrera Sareak argi du: duela hiru aste desagertutako Ibrahima Diallo senegaldarrarena da. Hala, plataformak adierazi du heriotza eragotzi zitekeela: «Denbora luze daramagu ohartarazten horrelako drama bat gertatuko zela». Hala, beharrezko neurriak hartzeko eskatu diete Ipar eta Hego Euskal Herriko erakundeei; hau da, korridore humanitarioak eta bide seguruak ezartzeko «denentzat». Izan ere, muga igaro nahian hil den zortzigarren migratzailea da.

Plataformaren arabera, erakundeek «azkartasuna» erakutsi dute errefuxiatuentzako baliabideak jartzeko garaian, eta jarduteko modu horri «eusteko» eskatu die, Ukrainatik zein Afrikatik iristen direnentzako «harrera duina» bermatzeko. Era berean, Irun eta Hendaia (Lapurdi) arteko «kontrol arrazistak» etetea beharrezkotzat jo du plataformak, «bide ez-seguruak hartzeko arrazoi nagusietako bat» direlakoan.

Harrera Sareak gogoratu du laster urtebete beteko dela «migrazioaren aurkako politikek eragindako» lehen heriotzatik. Tessfiten heriotza izan zen. Gazteak bere buruaz beste egin zuen, muga gurutzatu ezin zuela eta. «Orduan, argi azaldu genuen ez genuela mamu bilakatzen utziko inor», adierazi zuen plataformak, eta gehitu zuen ezen, Bidasoa «igerian gurutzatzeko ideiak bere horretan jarraitzen duen bitartean», ibaian hildakoen senideen eta lagunen eskubideen defentsan jardungo dutela. Horregatik, Dialloren gorpua aberriratzeko laguntza eskatu die erakunde publikoei.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA
Miarritzeko harrotasunen martxa, atzo. ©BOB EDME

«Mugak hausteko» harrotasunez hartu dituzte Miarritzeko karrikak

Oihana Teyseyre Koskarat

Ehunka lagun bildu dira harrotasunaren martxan. LGTB komunitateko eragileek nabarmendu dute gora egin dutela horien kontrako erasoek

Barakaldon eraso matxisten aurka egindako elkarretaratze bat, aurtengo martxoan. ©MARISOL RAMIREZ / FOKU

Gizon bat espetxeratu dute, neska lagun ohia hiltzen saiatzea egotzita

Jon O. Urain - Maddi Ane Txoperena Iribarren

Labanaz eraso dio andreari, eta emakumea larri dago, Gurutzetako ospitalean. Basauriko kartzelan sartu dute gizona. Mugimendu feministak elkarretaratzera deitu du gaur arratsalderako Barakaldon

Osasun zentro bateko sarrera, artxiboko irudi batean. ©MAIALEN ANDRES / FOKU

Bere burua hiltzen saiatu direnen arreta hobetzeko prozedura, abian

Oihane Puertas Ramirez

Oraintsuko Suizidio Ahaleginaren Kodea Osakidetzako sare osoan dago erabilgarri

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...