Noiz sortua: 2018-12-16 00:30:00

Bizkaiko Bertsolari Txapelketa. Finala. ANALISIA

Toma, Onin!

Oihana Bartra -

2018ko abenduak 16

Aupa, ekipo! Ederra egin zenuten. Maila antzekoko zortzi bertsolari, zortzi bertsolari on zeundeten oholtza gainean. Txapela zuetako edozeinek jantzi ahal zuela zioten ingurukoek. Zorteak ere jokatuko zuela. Ze gai, ze rol, ze bertsokide… Goia jotzea lortu edo txispa ateratzen asmatzen zuenak jantziko zuen txapela. Edo saioari psikologikoki ondoen eusten zionak.

Eta hori zu izan zinen, Onin. Olatu bat bezala hasi eta tsunamian amaitu. Saio borobila egin zenuen. Karaokean imajinatu zintugun, senarrarekin nola mozten zenuen irudikatu eta preso zegoen zure amarekin sufritu genuen. Hasi eta amaitu dotore eta zentratuta. Zure ibilbide osoaren saria, ondo merezitakoa. Poza, emozioa, poza berriro. Moñoan jartzen zaiguna egiten dugun emakumeok zutaz harro!

Arropatu zintugun, Nerea. Eskutik heldu genizun saio osoan zehar zuk agurrean hala eskatuta. Barre egin genuen zure-zurea duzun umorearekin. Zure ateraldi eta txiste estrainoen oso fan. Baina ez hori bakarrik. Erakutsi zenigun, adibidez, inoiz ez garela neurriz kanpokoak. Atzo ere ikasi nuen zurekin.

Eta zurekin sufritu eta gozatu, amigo. Hitzeman zenidan bezala, dena eman zenuen. Saioko bertso bakoitza burrukatu eta orain arte txapelketan lortutakoa ez dela kasualitatea erakutsi zenuen. Enteratu ez zen despistaturik balego. Plazak buelta diezazula txapelketari eman diozuna, Xabat.

Buelta eta buelta Abarkius pozik, ezta? Finalera gozatzera joan behar dela esaten dugu beti, baina beti ez da erraza izaten. Atzo lortu egin zenuen. Elizara sartu nahi ezta zure saltsan, eta bakarka ere polito. Aupa zu. Infernua gure zain dago.

Helburuak lortzeko zain egon ezin eta lanera joan zinen atzo ere, Jone. Baita agindutakoa bete ere. Erakutsi zenuen goitik beherako betsolaria zarela: ez dut uste atzo inor egon zenik puntu bakoitzean hainbat esan zuenik. Nik neuk buruz burukoan zintudan. Baina horrez gain, asko gustatu zitzaidan hau gogorarazi zenigula: denok garela gizaki eta ezin direla izan zenbakiak objektibo ta subjektuak zenbaki. Txalo.

Amu. Gizakiak garela, eta eskerrak. Zortea ez zenuen lagun izan eta bertsozaleon zoritxarrerako ez zenuen askotan erakutsi diguzun hori ateratzerik lortu. Hala ere, zuregatik egin nuen topa, ahizpatasunaren alde, zure alde eta aurrerantzean elkarrekin egingo ditugun plazen alde.

Etxahun, zure alde ere bazeuden kiniela asko. Arrazoiarekin. Saio borobila egin zenuen, zure bakarrekoarekin eta zure bertsokera elegantearekin gozatu genuen, baina buruz burukoan laprast. Ai, pena. Hain saio ederra eginda sentsazio horrekin amaitzea ere. Hain ulertzen zaitut.

Penarik ez zuretzat, Aitor. Plazak bertsolari bat deskubritu zuen. Askok bagenekien ze ondo moldatzen zaren bertsotan, errimen jolasean, joskera jostarietan. Beste askok atzo entzun zintuen lehenengoz eta zure aho-zapore goxoz joan zen etxera. Publikoa ere bada familia bat, aukeratu litekeena.

Bueno ba, familia. Amaierako besarkadarekin geratzen naiz, txapelketa bizitzeko modu horrekin.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Patricia Fanlo, Laura Imaz, Jose Espinoza, Marina Delgado eta Irati Ormazabal medikuak. ©IÑIGO URIZ / FOKU

Ondorioei begira

Arantxa Iraola

Erne daude medikuak, COVID-19ak pazienteetan nolako ondorioak izan ditzakeen begiratzen: lehen irudipenen berri eman du Iruñeko Ospitale Guneko sendagile talde batek

Bilboko mintzapraktika sareko Ioana haurrak eta Sergio Garcia boluntarioak astean hiru aldiz egiten dute mintzapraktika, bideo deien bidez. ©MARISOL RAMIREZ / FOKU

Euskara izan dezaten

Amaia Ramirez de Okariz Kortabarria

Eskolak itxita, euskaraz egiteko aukerarik gabe geratu dira milaka ume eta gazte: mintzapraktika sareak sortu dituzte. Bilbo Handian 450 haurrengana heldu dira

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna