Noiz sortua: 2018-09-05 00:30:00

HIZPIDEAK

Botoia

Jakes Goikoetxea -

2018ko irailak 5

EAJk argitu beharko du zer egin nahi duen EAErako estatutu politiko eta juridiko berriarekin. Badirudi Iñigo Urkullu Eusko Jaurlaritzako lehendakaria deseroso dagoela bere alderdiak eta EH Bilduk hitzartutako edukiekin. Akordio zabala da, bien artean ordezkatzen duten gizartearen neurria aintzat hartuta. Urkulluren iritziz, ordea, akordioa ez da nahiko zabala Arabako, Bizkaiko eta Gipuzkoako gizartearen aniztasunari begira, eta ez da «bideragarria» Espainiaren onarpenari begira. «Biderik egingo ez duen testua» deitu zion herenegun. Ez, Madrilek ez du onartuko EAJk eta EH Bilduk hitzartutakoa. Ezta burujabetzan bestelako urratsik egitea ere. Ez du onartuko aldaketarik, testuaren apaingarri hutsa baino ez bada. Urkulluk argitu beharko du ea estatutua apaindu bakarrik egin nahi duen. Deigarria da Markel Olano Gipuzkoako diputatu nagusiak Eusko Legebiltzarrean hitzartutakoa babestea atzo.

Ez da egia, Urkulluk herenegun esan zuen moduan, akordio bat zabalagoa izateak, alderdi gehiagok babesteak, hobea egiten duela. Zabalagoa egiten du, baina ez hobea. Are gehiago, jakinda, zabalagoa esaten duenean, edukietan apalagoa esan nahi duela, orain arte onartu ez dutenek onartzeko modukoa.

EAJko militante gisa, bat dator hitzartutakoarekin; EAEko lehendakari modura, ordea, ez hainbeste. Karguak ezin du aitzakia izan aurrera ez egiteko. Gorbata kenduta eta alkandoraren goiko botoia askatuta gobernatu beharko du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna