Albistea entzun

JIRA

Omenaldia

Angel Erro -

2022ko maiatzak 22

Margaret Thatcherri, Ronald Reagan eta Karol Wojtyla-rekin batera iraultza kontserbatzailearen liderra izan zenari, plaza txiki bat eskaini zioten Madrilen. Hortaz gain ez dakit kale edo plaza gehiago duen munduan barna. Bere jaioterrian bai. Estatua bat, figuratiboa eta aski errealista. Hala jakin dugu egunotan zabaldu den notizia bitxi baten harira.

Notizia bitxi biren harira, hobeki esan. Nik leitutako lehenbizikoak kontatzen zuen gazte batek arrautza bat bota ziola Margaret Thatcherren monumentuari. Berehala zabaldu zen txiste bihurtuta. Antza, sare sozialetan norbaitek galdetu zuen eskandalizatuta ea gaizkilea atxilotua zuten. Beste norbaitek argitu zion ezetz, Thatcherrek bederatzi urte zeramatzala hilda.

Aurreko pasadizoa egiaztatzeko edo, hortik gutxira zabaldu da egiazki badagoela mutil bat agintari britaniarra zenaren estatuaren ondoan arrautzak saltzen dabilena. Jendeak haiekin nahi duena egiteko. Gainera, badu bere jarrera justifikatzeko argudiaketa tatxagabea, Thatcher bera hunkituko lukeena: ba al dago hari omenaldi egiteko modu hoberik eskaintzaren eta eskariaren legea praktikan jartzea baino?

Oraingoz sarkasmo asmoa du ekintzak. Kapitalismoak erakutsi digu hurrengo urratsa zein izaten den.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...