Albistea entzun

JIRA

Bartzelonaren alde

Angel Erro -

2021eko azaroak 28

Orain pare bat aste Jordi Amat idazlea Donostian izan zen Literaktum festibalean, El hijo del chófer liburuaren inguruan Iban Zalduarekin batera hitz eta pitz. Ekitaldiaren podcasta entzun dut nik. Alfons Quintà kazetari gehiegizkoaren halako biografia bat da (TV3ren sortzaileetakoa eta azkenean bere emaztearen hiltzailea izandakoa), garai bateko Kataluniaren erretratua osatuz.

Bi idazleen arteko solasa arin doa. Oharkabean ordubetea egin eta publikoaren txanda iritsi da. Galderaren batek pujolismoa eta pnvismoa lotzeko saiakeratik badu. Amat ez da erkaketan sakontzeko gai ikusten. Beste batek galdetu baino iruzkina egiten du Bartzelona hiriaren gainbeheraz (entzulearen ustez neurri batean prozesu subiranistak eragindakoaz).

Gogora etorri zait nik ere Bartzelonak zenbat galdu duen entzun diedala zenbait laguni, baita nik bertara joan eta gezurtatu nahi izan diedanean ere. Objektibotasunez jantzitako kritikak halako desprezio kanpaina baten barruan kokatu daitezkeela argi ikusten hasi naiz. Topiko bihurtu nahi dute, hiri kaotiko eta abarkadun baten irudia zabaldu, kontrakoa ikusi arren gogoan iltzatuko zaizuna. Erantzun egokiagoa ematen du Amatek podcastean. Segi entzutera.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.