Albistea entzun

Kataluniako hauteskundeak. Bozen ondorena

Puigdemont itzuli edo ez: hainbat aukera aztergai dituzte mahai gainean

Ez dagoela B planik berretsi duten arren, ñabardurak egiten hasi da JPC. Madrilekin pultsua mantenduko dute presidentea Bruselatik bermeekin itzultzea negoziatzeko
Elsa Artadi, JPCren kanpaina aurkezten, joan den azaroaren 29an.
Elsa Artadi, JPCren kanpaina aurkezten, joan den azaroaren 29an. MARTA PEREZ / EFE Tamaina handiagoan ikusi

Amagoia Mujika Tolaretxipi -

2017ko abenduak 24

«Gobernu legitimoa» berrezartzeko helburua azaldu dute independentistek, eta gobernuburu Carles Puigdemontek izan beharko lukeela ez dute zalantzan jartzen, independentisten artean lehen indarra bilakatu denez gero. Ez dago horretan zalantzarik, baina hortik aurrera erantzunik ez duten galderak sortzen dira bata bestearen atzetik. Lehena hauxe: «Nor izango da Generalitateko presidente?». Elsa Artadi Puigdemonten kanpaina zuzendariak hauteskundeen aurretik erabili duten leloa errepikatu du: «Ez dugu aurreikusten Puigdemont ez den beste aukerarik». Baina esaldi horrek ñabardurak dituela aitortu du. «Ezin gara prezipitatu. Agertoki guztiak aztertu behar ditugu. Ordea, 155.a garaituko dugu aplikatu aurretiko egoera berreskuratzen badugu». Presidentea barne.

Ez da horren erraza, ordea, Puigdemonten abokatu Jaume Alonso-Cuevillasek azaldu duenez. Bruselan diputatu akta jaso dezake, baina ezin dute han dagoela presidente izendatu: «Puigdemont presidente egiteko aukera bakarra Kataluniara itzultzea da, baina itzultzen bada espetxeratu egingo dute». Eta aukera bakarra du ere, haren ustez, kartzela saihesteko: «Gutxienez Belgikan hogei urte igarotzea».

Sorterrira itzultzea erabaki politiko edota pertsonala izango da, baina erabakia hartu aurretik berme batzuk negoziatzen saiatuko dira Mariano Rajoyren gobernuarekin, kartzela saihesteko. Puigdemontek elkarrizketarako bilera bat eskaini zion Espainiako presidenteari, herenegun: Bruselan, edo Espainian ez den beste edozein lekutan, eta eskaintza nazioarteko hamaika komunikabideren aurrean egin zion, komunikabide horiek guztiek independentistek irabazi dutela esan eta biharamunean. Emaitzak eskuan, 155a erretiratzea eskatu dio, Katalunian dauden poliziak Espainiara itzularaztea, eta presoak askatzea. Ez zen hizketaldi inprobisatua izan, ondo prestatutako prentsaurrekoko lehen hitzak baizik. Rajoyk, berriz, erantzun zion bilera bakarra Ines Arrimadas Ciutadanseko buruarekin egingo lukeela; hala ere, atea itxi gabe independentistekin hitz egiteari, betiere «legearen barruan».

Espainiako Estatuarekin pultsua mantentzea izango da egunotako lanen ildoetako bat, eta bien bitartean, ondo pentsatzea hurrengo urratsak, «pazientzia» galdu gabe. Hitz horixe, Junts Per Catalunyako ordezkariak maiztasunez errepikatzen ari direna azken orduotan. Inbestidurarako hilabete eta erdi falta da, nahikoa, mugimenduak kalkulatzeko.

Aldebakarreko bidea ez da egingarria dagoeneko, eta argudio hori erabiltzea litzateke helburua balizko berme batzuk negoziatzeko, Puigdemont itzultzea baita plana; ez baitute b planik atzo Artadik berretsi zuenez, baina adituei txostenak eskatu dizkiete zein aukera dauden aztertzeko, Rajoyren gobernuak Puigdemont itzultzea galarazten badu. Nekez aurreikusi daiteke Madrilek hori onartzeko intentzioa; orain ez duen presioa eduki beharko luke Europatik, eta Espainiako justiziak erakutsi du ez duela arazorik independentistak auzibidean jarri, espetxeratu, delitu oso larriak leporatzeko, eta argudio juridikoak komeni zazkion testuingurura moldatzeko. Beraz, itzuli ezingo balitz, beste aukera bat aztertzen ari dira: Belgikan geratu eta presidentetza delegatzea. Bide hori da indarra hartzen ari dena, ERC eta JPC alderdietako iturriek diotenez.

Oriol Junquerasi legokioke presidentetza, ERCren ustez, kasu horretan. Urtarrilaren 4an aztertuko du hura kaleratzeko helegitea Pablo Llarena Espainiako Auzitegi Goreneko epaileak. Bozen emaitzak jakin aurretik goreneko iturrietatik zabaldu zuten aske uzteko aukerak zituela, baina independentistek gehiengo osoa lortuta, erabakiak beste bat izateko itxura du.

Espainiako Fiskaltzak Puigdemontentzat bermeak onartzen ez baditu, eta Junquerasek espetxean jarraitzen badu, ondorengoengan pentsatu beharko dute. Elsa Artadi bera da nabarmentzen hasi den izenetako bat, baina inbestidura aurreko egunek askorako eman dezakete oraindik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ebrahim Raisi Irango presidentea (eskuinean), herenegun, Teherango Unibertsitatean, Ikasle Egunaren ospakizunerako ekitaldi batean. ©EFE

Iranek herritar bat exekutatu du, hilabeteotako protestekin lotuta

Gorka Berasategi Otamendi

Estatuko indarren agente bat labanaz zauritzea egotzi diote kondenatuari. Protesten harira auzipetutakoen arteko lehen exekuzio jakinarazia da. Irango justiziak gehiago iragarri ditu
Lucian Bode Errumaniako Barne ministroa eta Margaritis Schinas Europako Batzordeko presidenteordea, gaur, Bruselan. ©OLVIER HOSLET / EFE

Kroazia Schengen eremuko kide izango da 2023an

Mikel Elkoroberezibar Beloki

Austriaren eta Herbehereen ezezko botoaren ondorioz, Bulgaria eta Errumania ez dira espazio bateratuaren barruan egongo.

Bittney Griner AEBetako saskibaloi jokalaria (ezkerrean) eta Viktor Bout arma trafikoagatik AEBetan zigortutako Errusiako teniente ohia (eskuinean). ©STR, EFE

Errusiak aske utzi du Brittney Griner, AEBek Viktor Bout libre uztearen truke

Berria

Griner saskibaloi jokalaria eta Bout arma salmentagatik AEBetan espetxeratuta zegoena Abu Dhabiko aireportu batean trukatu dituzte Moskuk eta Washingtonek.

Benjamin Netanyahu Israelgo lehen ministro ohia, herrialdeko parlamentuan, joan den azaroaren 15ean. ©ABIR SULTAN, EFE

Netanyahuk gobernua eratzeko akordioa itxi du ultrekin eta muturreko ortodoxoekin

Gorka Berasategi Otamendi

Shas eta Sionismo Erlijiosoa alderdien esku geldituko dira, besteak beste, Barne eta Ogasun ministerioak. Smotrich ultranazionalistak Zisjordaniaren gaineko botere handia pilatuko du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...