Albistea entzun

'Aita Mari' ontzia Lampedusara bidean dago 68 migratzaile hartuta

Italiak oraindik ez dio eman porturatzeko baimenik. Ekintzaileek EBren jarrera salatu dute, eta giza korridore seguruak eskatu
<em>Aita Mari</em>-ren erreskate bat, artxiboko irudi batean.
Aita Mari-ren erreskate bat, artxiboko irudi batean. UNAI BEROIZ / EFE Tamaina handiagoan ikusi

Erredakzioa -

2022ko ekainak 17

Azken egunotako erreskateekin, jada 68 dira Aita Mari erreskate ontzian diren migratzaileak. Ekainaren 6an abiatu zen Palmatik (Herrialde Katalanak), eta ontziak hiru egunetan erreskatatu ditu migratzaileak: 11 lehen egunean, 17 bigarrenean, eta berrogei hirugarrenean.

Herenegun gauerdian egin zuen azken erreskatea, hiruretan handiena: abisua jaso, eta ordu eta erdi behar izan zuten migratzaileak ziren tokira iristeko. Adin txikikoak eta mugitzeko gaitasuna mugatua duen pertsona bat zeuden tartean.

Bigarren egunean, 15 urteko etiopiar bat batu zuten uretan, eta zerbitzu medikoa emateko bidean zeudela aurkitu zuten berrogei pertsonako txalupa itsasoan: 27 gizon, sei emakume, adingabe bat eta sei ume —zortzi hilabete eta lau urte artekoak— erreskatatu zituzten. Gehienak Libiakoak, Sudanekoak, Siriakoak eta Egiptokoak dira.

Denei egin diete COVID-19aren proba eta negatibo eman dute, eta, osasunez «ondo» dauden arren, «hotza, nekea eta beldurra» antzematen zaiela adierazi dute Aita Mari-koek.

Italiak oraindik ez du eman porturatzeko baimenik, baina, edonola ere, Lampedusa uharterako bidean da Aita Mari, migratzaileak utzi eta behar duten mediku arta jaso dezaten.

Ekintzaileek azaldu dute «arrisku egoera hauek» egunero gertatzen direla etorkinen «jario natural» bati bide emateko giza korridoreak falta direlako. Adierazi dutenez, «ez dago bizitzak arriskuan jartzeko beharrik», eta Europako Batasuneko herrialdeei esan diete «migranteen jarioa geldiarazteko finantzaketa» ez dela konponbide «etiko, moral eta bideragarria» eta ez dituela giza eskubideak bermatzen.

Beste bi erreskate

Bigarren egunean, hamazazpi migratzaile hartu zituen itsasontziak Mediterraneoan. Goizean goiz abisatu zieten ehun bat pertsona zeramatzan gomazko txalupa bat zegoela haiengandik 15 itsas miliara. Libiako agintariek ere aldi berean jaso zuten deia, eta horregatik joan ziren leku horretara. Libiako patruilaontzi bat joan zen, hain zuzen, eta han ziren migratzaileetako hamazazpik jauzi egin zuten txalupatik. Azkenean, Aita Mari erreskate ontziko tripulazioak erreskatatu zituen.

Lehen egunean, 11 lagun hartu zituen. Goizaldean jaso zuten abisua, 05:00etan, eta 06:00etan topatu zituzten, hondoratzear zegoen txalupa batean. Guztiak onik topatu zituzten, baina abisu eman zieten haiekin batera beste hainbat ontzi ere abiatu zirela Libiatik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Salestarren eskolako abusuen aurkako elkarretaratze bat, Bilbon, 2019an. ©LUIS JAUREGIALTZO / FOKU

Bilboko Gotzaintza hamalau apaiz ikertzen ari da sexu abusuengatik

Edurne Begiristain

Joseba Segura Bilboko gotzainak adierazi du «kasu gehiago egongo direla», nahiz eta horietako batzuk «inoiz ez diren jakingo». Sinesgarritasuna eta «ausardia» aitortu dizkie biktimei
 ©GOTZON ARANBURU / FOKU

«Ikasleen artean, euskararekiko jarrerak oso onak dira»

Irati Urdalleta Lete

Gasteizko segregatutako bi ikastetxe publikotako eskola komunitateek hizkuntzekin dituzten jarrerak eta ikasleen euskara maila aztertu ditu Garaiok. Ikusi du ikasleek lortzen dituztela euskararako jarritako helburuak.

Bilboko Metroak deskontuak egingo ditu irailetik aurrera

Erredakzioa

Bizkaiko Garraio Partzuergoak ezarriko dituen irizpideen zain daude, deskontuak nola egin finkatzeko. Garraio publikoa sustatzea da xedea
Migrante batzuk, Irungo Harrera Sarekoen azalpenak entzuten, atzo, herriko plazan. ©JAGOBA MANTEROLA / FOKU

Zeharkaldirako sareak eraikiz

Jone Arruabarrena

Egunero heltzen dira etorkinak Irunera, Lapurdiko muga igarotzeko asmoz. Irungo Harrera Sareko kideek han egiten diete ongi etorria, eta bidaia ahalik eta modu seguruenean egiteko informazioa eskaintzen diete. Aurten, bi gazte hil dira muga Bidasoa ibaitik gurutzatu nahian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...