Albistea entzun

Brasilgo Senatuak dokumentu bat faltsutzea leporatu dio Bolsonarori

COVID-19ak hildakoen kopurua faltsutu izana egotzi dio ganberak. Sindikatuek grebara deitu dituzte administrazio publikoko langileak
Jair Bolsonaro Brasilgo presidentea, artxiboko argazki batean.
Jair Bolsonaro Brasilgo presidentea, artxiboko argazki batean. JOEDSON ALVES / EFE Tamaina handiagoan ikusi

Maddi Iztueta Olano -

2021eko abuztuak 19

Brasilgo Senatuak COVID-19aren pandemiako datuekin lotutako dokumentu bat faltsutu izana leporatu zion herenegun Jair Bolsonaro Brasilgo presidenteari. Antza, dokumentu hori baliatu zuen oposizioko alkateei COVID-19ak hildakoen kopurua «puztu» izana egozteko. Bolsonaroren dokumentuaren arabera, Brasilen koronabirusak hildakoak paper ofizialetan adierazitakoak baino %50 gutxiago lirateke.

Bolsonarok iragan ekainean aurkeztu zuen dokumentua, herrialdean 475.000 hildakotik gora zenbatu zituztenean —egun, ia 570.000 hildakora iritsi da kopurua—. Haren arabera, osasun krisiari aurre egiteko asmoz estatuak ematen dituen diru laguntzetatik kopuru handiagoa jasotzearren manipulatu zituzten datuak.

Dena den, Brasilgo Senatuak herenegun jakinarazi zuen Bolsonarok «legez kanpoko ekintzak» baliatu zituela hori frogatzeko. Hain zuzen, Batasuneko Kontu Auzitegiko langile Alexandre Marquesek aitortu zuen Bolsonarok aurkeztutako dokumentua faltsutu zuela, eta adierazi Bolsonarok dokumentua aurkeztu izana erabateko «arduragabekeria» izan zela.

Batzordeko presidenteorde Randolfe Rodriguesek ohartarazi zuen dokumentuari auzitegiko zigilua jartzeak lege ondorio larriak eragin diezazkiokeela presidenteari. Haren iritziarekin bat egin zuten oposizioko kideek, eta herritarren aurkako «krimentzat» jo zuten gertatutakoa.

Brasilgo Gobernuaren aurkako protestak areagotu egin dira azken hilabeteotan, pandemiaren kudeaketa tarteko. Iragan uztailean, esaterako, 600.000 pertsona inguru kalera irten ziren Bolsonaroren agintearen aurka manifestatzeko. Protestariek presidenteari egotzi zioten herritarren haserreari «ez ikusiarena» egitea, «koronabirusa existituko ez balitz bezala» jokatzea eta arreta osoa 2022ko bozetan jartzea.

Greba deialdia

Bolsonaroren gobernuak bultzatutako erreforma administratiboei aurka egiteko, sindikatuek grebara deitu zituzten administrazio publikoko langileak, eta Mobilizazioaren Egun Nazionala antolatu zuten atzoko. Iragan maiatzetik, herritar askok —batez ere ikasleek, langileek eta herri mugimenduetako kideek— adierazi dute Bolsonarok hartutako neurriekiko haserrea; izan ere, gobernuak bultzatutako erreformek zerbitzu publikoen pribatizazioari bide ematen diote, eta zuzenean eragiten die langileen eskubideei.

Langileen mugimendu iraultzaileko kide Diana Assunçaok grebalariekin bat egitera bultzatu ditu herrialdeko langileak: «Bolsonaroren eta militarren erasoei erantzuteko, langileak, gazteria eta sektore guztiak batuko dituen plan nazional baten alde borrokatu behar dugu».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Abortu eskubidearen aldeko eta kontrako manifestariak, atzo, AEBetako Auzitegi Gorenaren aurrean. ©SHAWN THEW / EFE

Abortu eskubide konstituzionala indargabetu dute epaileek AEBetan

Urtzi Urrutikoetxea

Epaile eskuindarrak nagusi diren Auzitegi Gorenak atzera bota du ia 50 urteko araua. Abortuaren debekua berehala sartuko da indarrean aurretik horretarako legeak onartu zituzten 13 estatutan
Joe Biden AEBetako presidentea, atzo, Etxe Zurian, hedabideen aurreko agerraldian. ©OLIVIER CONTRERAS / EFE

Biden: «Muturreko ideologia baten ondorioa da»

U. Urrutikoetxea

AEBetako presidenteak ohartarazi du amen heriotza tasa igo egingo dela herrialdean, Auzitegi Gorenak hartu duen erabakiaren ondorioz
Ursula von der Leyen Europako Batzordeko presidentea eta Vladimir Putin Errusiakoa, duela bi urte, Berlinen. ©ALEXEI NIKOLSKY / EFE

Errusiak ez du «arazo gehiago» nahi Ukrainaren hautagaitzaren harira

Ander Perez Zala

Kremlinen eledunak esan du «Europaren barne afera bat» dela EBra atxikitzeko estatusa jaso izana. Bulgariak betoa kendu dio Ipar Mazedoniari talde komunitarioan sartzeko negoziazioei dagokienez
Ukrainako soldaduak, Sievierodonetsk hiritik gertu. ©OLEKSANDR RATUSHNIAK / EFE

Ukrainako tropak Sievierodonetsketik «erretiratuko» dira, Kieven esanetan

Mikel O. Iribar

Errusiari hiria guztiz hartzea falta zaio Luhansk oblasta oso-osorik kontrolpean edukitzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...