Albistea entzun

Koronabirusa. OSASUNA PENTSALDIAN

Olatua

Felix Zubia - Donostia Ospitaleko ZIUko medikua

2021eko urtarrilak 17

Bada Zarautzen kontatzen dugun gertakizun bat, orain pasatzen ari zaiguna azaltzen duena. 10 bat urteko neska bat etorri omen zen Zarautza barrualdeko herri batetatik, bere lehengusinaren lehen jaunartzera. Itsasoa sekula ikusi gabea izanik, hondartzara joan omen zen, bakarrik, hura ikustera. Handik pixka batera, etxera blai iritsi omen zen, bere jai egunetako soinekoa erabat hondarrez beterik, olatu batek goitik behera guztiz bustirik. Bere amak esan omen zion: «Maritxu, zer egin dun?» Eta alabaren erantzuna: «Nik ezer ez, Ama. Geldi geldirik geratu naiz, eta bera etorri da gainera, nik ezer egin gabe».

Iruditzen zait horrelako zerbait egin dugula guk ere. Denok baikenekien okerraldia iritsiko zela, Gabon jaien inguruan izaten diren ohiturak direla-eta. Osasun adituek eta agintari guztiek aurreikusi zuten zerbait zen, eta, hala ere, gainean lehertzen ari zaigu. Europa guztian zehar, herrialde asko eta askotan ikusten ari gara nola ari diren kasuak igotzen, ospitaleratzeak hazten, eta heriotzak ugaritzen. Euskal Herrian ere, igoera nabarmena da, eta hurrengo egunetarako igoera handiagoa espero da, behin kopuruak gorako joeran hasten direnean, ondorengo hazkundea esponentziala izaten delako. Egun gogorrak datozkigu, ospitaleratze, zainketa intentsiboen unitateetako egonaldi eta heriotzei dagokienez.

Zer gertatu da, beste behin ere lehena berriz izan dadin? Ba, neurriak erdizka hartu eta bete ditugula denok, «bai, baina ez» moduko bat egin dugula. Hasi agintariek harturiko neurrietatik, segi erosketa gune eta toki publikoetan egin ditugun egonaldiekin, eta gure etxeetan egin dugunarekin bukatuz. Denok egin ditugu gauzak erdizka, guri tokatuko ez zaigula pentsatuz, edo errealitatea ukatuz.

Eta zergatik egin dugu hau? Nik, medikuntzaren aldetik, ez dakit ondo azaltzen. Soziologian edo psikologian aditu direnek hobeto argituko digute beharbada. Ia urtebete pasatuta, neke handia nabari dut inguruan, neurriak ondo betetzen ari direnen artean. Beste askoren artean, arazoaren ukazio edo ahaztura bat, hildakoek garrantzirik ez balute bezala, pertsonak alboratu eta dena zenbaki eta estatistika bihurtzeko joerarekin. Izan liteke arazoa guri gertatuko ez zaigun ustea. Edo, ziurrenik, neuk aletzen asmatzen ez dudan arrazoi mordo bat izango da atzean.

Ziur dakidana da egun latzak datozkigula, eta neurri gogorragoak beharko ditugula, ezinbestean. Zenbat eta gehiago itxaron, orduan eta handiagoa izango da kaltea, eta orduan eta gehiago kostako zaigu berriz ere egoera arintzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hainbat aplikazio eta streaming plataforma erakusten dituzten pantailak. ©Berria

Gaztelaniazko ikus-entzunezkoak dira nagusi Uemako herrietako ikasleen artean

Julen Aperribai

Uemako herrietako ikasleen %73k gaztelaniaz ikusi dute, azkenekoz, telesail bat. Netflix 'streaming' plataformaren kontsumoa gehien ikusten den hurrengo plataformarena halako bi da. Lehen Hezkuntzako ikasleen artean, marrazki bizidunen Clan katearen audientzia ETB3rena halako bi da.

Iraitz Lazkano UEMAko lehendakaria, eta Garikoitz Goikoetxea teknikaria Eusko Legebiltzarrean ©UEMA

Uemak adierazi du «sendotasun handiagoz» heldu behar zaiola ikus-entzunezkoen gaiari

Isabel Jaurena

Iraitz Lazkano Uemako lehendakariaren erranetan, EITBk eta RTVEk «ardura handia» dute. Online plataformen eta sare sozialen eginkizuna ere azpimarratu du.

Ikasgela bat Gasteizko Angel Ganivet eskolan, artxiboko irudian ©juanan Ruiz / foku

Irakasleek berriz ere aukera edukiko dute eszedentziak noiz amaitu aukeratzeko

Irati Urdalleta Lete

Eusko Jaurlaritzako Hezkuntza Sailak duela urtebete arautu zituen jardunaldi murrizketak, eszedentziak eta aldi baterako eteteak, eta erabaki zuten baimenak horiek emateko arrazoia amaitzen zenean edo urtarrilaren 31n edo abuztuaren 31n soilik bukatu ahal izango zituztela. Arartekoak eskatu zuen agindu hori bertan behera lagatzea, eta hala egin du Hezkuntza Sailak.

Tokiko erakundeetako ordezkariak, gaur, bilerara sartzean. ©Berria

Espainiako Gobernuak Araban duen ordezkaritzara eraman dute aldiriko tren zerbitzuaren eskaera

Berria

Arabako eta Nafarroako 50 toki erakundek udaberrian abiatutako prozesuari jarraikiz bildu dira Arabako ordezkariarekin, AHTaren aurkako alternatibaren berri emateko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...