Albistea entzun

Xabier Arzalluzen heriotza. IRITZIA

Politikaren lilura

Pello Urzelai -

2019ko martxoak 1

Lehenik, aitorpena. Kazetari gisa markatu nauen politikaria da Xabier Arzalluz Antia. Egunkaria-ren sorrerarekin batera, kazetaritza politikoari ekin nionean, bera zen euskal politikan erreferente nagusietako bat, EAJren EBBko lehendakari gisa. Ezohiko erakarmena zuen, distira berezia eta itzal luzea. Hitzaren maisua izan da beti, esandakoekin, iradokitakoekin zein isildutakoekin. Adierazkortasun handikoa zen, baita keinu eta begiradetan ere. Hitzaren eta informazioaren langileontzat, harrobi amaigabea. Hasierako nolabaiteko lilura horretatik harago, denborak aurrera egin ahala, Xabier Arzalluzen hitzaren balioaz eta esanahi sakonaz jabetuz joan nintzen, itsasargi sendotzat har zitekeena euskal politikaren itsaso mugituan.

Urte batzuk pasatu ziren lehen elkarrizketa egin arte. 1998ko urriaren 22an izan zen, Eusko Legebiltzarrerako hauteskundeak baino hiru egun lehenago. Lizarra-Garaziko Akordioaren garaiaren hasiera zen. Une bizi eta zalantzazko haietan, buruzagi zuhurrago bat espero nuen, eta haren mintzoaren argitasunak harritu ninduen. Elkarrizketa horren titularra bereziki esanguratsua iruditzen zait, Xabier Arzalluzen ikuskera ulertzeko: «Ez bagara elkartzen, bakea etorrita, abertzaletasuna beheraka joango da». Batetik, bakearen ametsaren garrantzia. Bestetik, abertzaleen arteko elkarlanaren beharra. Bi ardatz horiek beti izan dira ezinbesteko Xabier Arzalluzen ibilbidean, gorabehera guztien gainetik, Lizarra-Garaziko aroa amaitu ondoren sufrimendu handia pairatu arren.

Hurrengo elkarrizketa Egunkaria-ren itxieraren ondoren eta ondorioz iritsiko zen. Egunero-ren garaian, 2003ko martxoaren 19an. Elkartasun keinutzat hartu nuen elkarrizketa hura. Baina elkarrizketaren mamia Ibarretxe plana deiturikoaren inguruan harilkatu zen. Xabier Arzalluzen ikuskera pragmatikoa nabarmendu zen orduan. «Ez badigute herriari galdetzen uzten, hauteskundeak deitzeko bidea dago». Posible izan daitekeenaren bidea marraztuz, Madrilen proposamenari betoa jartzen bazioten herriarengana joko zela iragartzen ari zen, bi urte geroago gertatuko zen bezala.

Xabier Arzalluzen itzalaren eta erakarmenaren aurrean, kazetariari, bere lana zorrotz egin nahi badu, exijentzia maila handitzen zaio. Dirdirarekin itsutu gabe, errealitate politikoa hobeto ulertzeko gakoak bilatu nahi baditu. Gaur egungo kazetari on batzuek ondo ulertuko dute gogoeta hori. Politika saileko bekadun izan zirenean, Xabier Arzalluzek udaro Donostian ematen zuen prentsaurrekoa kubritzera bidali nituelako, kazetaritzan eta politikan azkar ikasteko modurik hoberena zelakoan. Ziur naiz arrastoa utzi zuela haiengan ere; hamaika galdera erantzuten zituen agerraldi luze haietan.

Azkenik, begirunea. Beti eskertuko diot Xabier Arzalluzi, politikariaren eta kazetariaren arteko harreman horietan, garai eta abagune oso ezberdinak izanik ere, harengandik jasotako begirunea. Harekikoa begi-bistakoa da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Torturaren kontrako manifestazioaren burua Espainiako polizien aurretik igarotzen, atzo, Iruñean, Nafarroako Torturatuen Sareak antolatutako protestan. ©JAGOBA MANTEROLA / FOKU

«Tortura aitortzeko garaia da»

Iker Tubia

Nafarroan mila lagun torturatu dituztela salatu, eta haientzat aitortza, ordaina eta berriz ez gertatzeko bermea eskatu dute ehunka lagunek Iruñean. Ikerketa ofizial bat egiteko galdegin diote erakundeei

 ©JON URBE / FOKU

«Alderdi denek ikertzeko eskatu dute, eta orain ezin da beste aldera begiratu»

Joxerra Senar

Alberto Perote eta Pedro Gomez Nietoren arteko elkarrizketaren berri aurretik bazuen Idoia Zabalzak, baina entzutea diferentea dela azaldu du: «Gogorra da entzutea zer-nolako naturaltasunez mintzo diren».
Julian Grimauri egindako omenaldia, lurperatuta dagoen hilerrian, Madrilen. Haren hilketaren ostean jarri zuten TOP abian. ©KOTE RODRIGO / EFE

Salbuespenaren salbuespena

Gotzon Hermosilla

TOP Ordena Publikoaren Auzitegiaren jarduerari buruzko ikerketa bat argitaratu du Juan Jose del Aguilak. Auzitegi frankistak gogor jo zuen euskal herritarren kontra: 13 urtean 1.826 epaitu zituen

Euskal presoen alde urtarrilean Bilbon egindako protesta. ©OSCAR MATXIN / FOKU

Bi euskal preso hurbilduko dituzte, eta hiru Euskal Herriratu

Maddi Ane Txoperena Iribarren

Asier Karrera, Mikel San Argimiro eta Aitor Esnaola ekarriko dituzte Euskal Herrira. Gorka Martinez, El Duesora; Josu Ordoñez, Topasera

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna