Albistea entzun

Donostiako 68. Zinemaldia

Canok eta Maiak prestatu dute inaugurazio gala

Distantzian eta zinema aretoetara itzultzeko premian ardaztutako irekiera emanaldia ondu dute idazleak eta dantzariak; gaur izango da
Harkaitz Cano eta Jon Maia, atzo, Donostian.
Harkaitz Cano eta Jon Maia, atzo, Donostian. JON URBE / FOKU Tamaina handiagoan ikusi

Itziar Ugarte Irizar -

2020ko irailak 18

Hala idatzi du Harkaitz Canok aurkezpen oharrean: «Aurrez genituen ziurtasunak pitzatu, eta oinen pean amildegi bat ireki zaigula dirudien pandemia garaiotan, distantzia hitzak duela hilabete batzuk imajinatzen zaila zen zentzua hartu du». Eta horregatik, Donostiako 68. Zinemaldia inauguratuko duen ekitaldirako ardatza horixe bera izatea aukeratu dute, bai berak eta bai Jon Maia dantzariak. «Distantzia. Banatzen gaituena, bai; baina baita salbu ipintzen gaituena ere». Gaur iluntzean izango da gala, Kursaalean, eta ETB1-en, eitb.eus atarian eta Zinemaldiaren webgunean ere jarraitu ahalko da.

Emanaldiak ez du izango propio aurkezle lanetan arituko den inor. Horren ordez, aktore eta aurpegi ezagun gehiago arduratuko dira sailen eta edukien aurkezpenez; Cayetana Guillen Cuervo, Eneko Sagardoi, Miren Gaztañaga, Inma Cuevas eta beste. Dantza eta musikak ere pisu nabarmena izango dute, eta Kukai konpainiako dantzariak arituko dira, Maiak berak zuzenduta. Bost musikari arituko dira, Luis Maria Moreno Urretabizkaia Pirata-k zuzenduta.

Distantziaren ideiarekin batera, pandemiari lotutako beste hari bat ere izango du saioak: zinema aretoetara itzultzeko premiarena. Aipagai izango dira, halaber, Willem Dafoe aktorea —aurtengo jaialdiko kartel nagusiaren protagonista—, eta gainontzeko sailak josteko baliatu den lorategiaren ideia.

Gala guztien ardura

Donostia Sariaren eta Euskal Zinemaren galen atzean ere Cano eta Maia izango dira. Baita itxierako emanaldian ere; azken urteetako bidetik, «egile galak» sortzeko enkargua egin die jaialdiak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Laura Mora, <em>Los reyes del mundo</em> filmeko zuzendaria (eskuinean), filmeko lantaldeko kideekin, atzo, Kursaaleko amaiera galan. ©ANDONI CANELLADA / FOKU

'Los reyes del mundo'-k irabazi du Urrezko Maskorra

Ainhoa Sarasola-Mikel Lizarralde

Laura Mora zuzendari kolonbiarrak bere herrialdeko bost gazteren istorioarekin eskuratu du jaialdiko sari nagusia. Genki Kawamura japoniarrarentzat izan da Zuzendari onenaren Zilarrezko Maskorra

Neil Jordan zinemagilea, Diane Kruger eta Liam Neeson aktoreekin, <em>Marlowe</em> filma aurkezteko agerraldian, atzo, Donostiako Zinemaldian. ©ANDONI CANELLADA / FOKU

Detektibearen itzal luzea

Ainhoa Sarasola

Neil Jordanen 'Marlowe' filmaren lehiaz kanpoko emanaldiak itxi du Zinemaldia. Liam Neesonek egin du Philiph Marlowe detektibearena, eta Diane Krugerrek Clare Cavendish haren bezeroarena

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...