Maskara, baita familia topaketetan ere

COVID-19aren kutsatze kopuruarekin kezka agertu du OME Osasunaren Mundu Erakundeak, eta ohartarazi du Europan izurriaren beste olatu bat oldartzeko «arrisku handia» dagoela. Hori dela eta, erakundeak herritarrei eskatu die Eguberriak «ahalik eta seguruenak»izan daitezen, osasun neurriak zorrotz errespetatzeko. Besteak beste, hainbat aholku eman ditu Gabonetako familia topaketei begira: ahal dela kalean egiteko eskatu du, baina etxe barruan egiten badira, talde txikian egiteko eta segurtasun tartea mantenduta ere maskara erabiltzeko gomendatu du. Garraioetan jendea ez pilatzeko ere eskatu du.