Eutanasia

Familia medikuek sedazioak egin ahal izateko atea irekitzear dago Paris

Midazolam botika eskuratzeko era emango zaie. Heriotza duinaren aldekoen arabera, sedazioak egiteko «erresistentziak» daude usu
Jendea protestan Parisen, eutanasia legeztatzeko eskatzen.
Jendea protestan Parisen, eutanasia legeztatzeko eskatzen. IAN LANGSDON / EFE

Arantxa Iraola -

2020ko otsailak 12

2015eko martxoan onartu zuen Frantziako Asanblea Nazionalak hilurrenen sedazioa ontzat jotzeko legea; modua ematen die eritasun larri eta sendagaitza dutenei «sedazio jarraitu eta sakonaren» bidez hiltzeko. Eutanasia eta suizidio lagundua, berriz, legez kanpokoak dira. Lege horren garapenean aldaketa bat egitekoa da orain Frantziako Gobernua: familia medikuei era eman nahi die sedazio mota hori egiteko.

Orain arte eragozpen bat izan dute; sedazioa egiteko erabiltzen den Midazolam botika soilik erietxeetan erabili izan da, eta, beraz, lehen mailako arretako medikuek ezin izan dute eskuratu. Horretan egin nahi dute aldaketa; familia medikuei botika hori lortzeko bidea ireki nahi diete, etxeetan artatzen dituzten hilurrenekin erabiltzeko. Hautu hori bere kaxara egin zuen Normandiako osagile bat auzitara eraman dute, zigortuta dago gaur egun, eta hari gertatu zaionarekin asaldatuta, hutsune hori aintzat hartzeko eskatu dute hainbat medikuk. Lehen urratsa eginda dago: Osasunerako Goi Agintaritzak horren aldeko gomendioa eman du. Gobernuaren onespena falta da orain prozesua egikaritzeko.

Laurene Arseguet duintasunez hiltzeko eskubidearen aldeko elkarteko Frantziako kidea da. Egun sedazio mota hori soilik zaintza aringarrietako unitateetan egiten dela esan du, eta profesional zenbaitek saihestu egiten dutela: «Erresistentziak izaten dira maiz sedazioak egiteko. Oso zuztartuta dago medikuen artean osatzeko daudela, ez hiltzen laguntzeko». Hala ere, maiz pazienteak pairamendua saihestu ezinik hiltzen direla esan du, aringarrien bidezko arta ez baitago orokortuta: «Estaldura pobrea da». Onartu du ate berri bat irekiko dela Midazolam botika lehen mailako arretan diharduten medikuen esku ipinita. «Orain, familia medikuek egin ahal izango dute egun zaintza aringarrietako unitateetan bakarrik egiten dena». Paziente baten etxean horrelako prozesu bat jarraitzeko, hala ere, familia medikuek baldintza asko bete behar dituzte: 24 orduan egon behar dute hura artatzeko prest, gertuen duen aringarrien unitatearekin harremanetan aritu behar dute, eta erietxe batean ohe bat eduki behar dute prest, badaezpada ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Durango, atzo arratsaldean. Dena itxi behar dute 21:00etatik aurrera. ©Aritz Loiola / FOKU

Alarma egoera ezartzea erabakiko du gaur Espainiako Gobernuak

Edu Lartzanguren

Ministroen Kontseilu berezia egingo dute gaur dekretua sinatzeko, besteak beste Hego Euskal Herriko gobernuburuek eskatuta.

 ©JON URBE / FOKU

«Onartezina da bihar txertoa heltzea eta horretaz gogoetarik egin gabe egotea»

Arantxa Iraola

Txertoa lortzeko ikerketek, hura jartzeko garaia heltzen denerako ezarri behar diren irizpideek, itaun etiko ugari ekarri dituzte. Horietaz gogoetan ari da Ausin, eta, oro har, izurriaren inguruko auzi etikoez. Hitz hau darabil usuenik: «Gardentasuna».

Jaten emateko lizentziarik ez duten ostatuetako bat, Maulen, estadioaren parean, halabeharrez hetsirik. ©GUILLAUME FAUVEAU

Etxeratze aginduak ez du karismarik

Ainize Madariaga

COVID-19ren kontrako manuek ezinegona eragin dute hainbat herritarren artean. Hiru ostatuk ezin dute ireki Maulen. Zabal dezaketenek ez dakite norat buruz doazen

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna