Albistea entzun

Parlamentuetan aulkiak hutsik geratuko dira, greba feministaren ondorioz

EH Bilduk, Ahal Dugu-k, Geroa Baik, PSEk, PSNk eta Ezkerrak lanuzteak egingo dituzte. EAJk elkarretaratzea egingo du; PPk eta UPNk, deus ez
Etziko greba feministak eragina izango du Eusko Legebiltzarrean eta Nafarroako Parlamentuan.
Etziko greba feministak eragina izango du Eusko Legebiltzarrean eta Nafarroako Parlamentuan. IÑIGO URIZ / ARGAZKI PRESS Tamaina handiagoan ikusi

Jon Ander De la Hoz -

2018ko martxoak 6

Etziko greba feministak eragina izango du Eusko Legebiltzarreko eta Nafarroako Parlamentuko jardunean. Gasteizko legebiltzarrean, EH Bilduk, Elkarrekin Podemosek eta PSE-EEk greba deialdiarekin bat egin dute, eta talde horietako emakumeak ez dira egun horretako plenora joango. Bestalde, EAJko legebiltzarkide guztiek hamabost minutuko elkarretaratzea egingo dute eguerdian, alderdiak deituta, eta osoko bilkuran parte hartuko dute. PPk ez du greba babestu.

Legebiltzarrean, ostegunerako deituta dagoen gai zerrenda mantendu egingo da; hala, lau egitasmoren inguruan arituko dira legebiltzarkideak. Grebak ez du eraginik izango proposamenak eztabaidatzeko garaian, baina baliteke bozkatzeko orduan eragina izatea, gehiengoak aldatu egiten direnez. Guztira, 23 aulki geratuko dira hutsik.

Nafarroako Parlamentuan ere eragina izango du osteguneko greba feministak. Ezkerrako bi parlamentariek eta Ahal Dugu-ko emakumezkoek ez dute plenoan parte hartuko, eta 11:00 arte arituko dira Geroa Baiko eta EH Bilduko emakumeak; ez dira plenora itzuliko ordu horretako kontzentrazioaren ostean. PSNko parlamentari guztiek bi orduko geldialdia egingo dute, 12:00etatik 14:00etara.

UPNk, berriz, bat egin du CCOO eta UGT sindikatuek grebaren inguruan hartu duten jarrerarekin, baina parte hartuko du osoko bilkuran. Eusko Legebiltzarrean bezala, PPko parlamentariek ohiko jardunari eutsiko diote; Ana Beltran bozeramailearen arabera, deialdiko manifestuarekin ados ez daudelako ez dute grebarik egingo.

EH Bilduren proposamena

Parekidetasunaren bidean «aurrera egiteko», EH Bilduk zenbait proposamen aurkeztu zituen atzo Eusko Legebiltzarrean. Oihana Etxebarrieta eta Jasone Agirre legebiltzarkideek «aintzat hartu» dute administrazio publikoa arlo horretan egiten ari den lana, baina «ezinbesteko» irizten diote aurrerapausoak sektore pribatura hedatzeari.

Bide horretan, EH Bilduk enpresetan berdintasun ziurtagiria sortzea proposatu du. Etxebarrietaren arabera, ziurtagiri horrek enpresa berdintasunaren bidean urratsak egiten ari dela bermatuko luke: «Bost urtean, ziurtagiria edukitzea ezinbesteko baldintza litzateke administrazio publikoan kontratatua izateko».

Industrian emakumeen presentzia indartu eta «segregazioa gainditzeko» proposamen bat egin du EH Bilduk: «Sektore maskulinizatua izanik, emakumeen parte hartzea sustatzeko plan integral bat behar dugu». Azkenik, Etxebarrietak eskatu du sektore pribatura hedatzea administrazioan gurasotasun baimenak parekatzeko erabakia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

MHLI taldeko ikertzaileak eta Maria Jose Telleria Gipuzkoako Foru Aldundiko Kultura diputatua, gaur, aldundian. ©JON URBE / FOKU

Euskal liburu asko zentsuratu zituzten Franco hil ostean ere

Mikel Elkoroberezibar Beloki

Torrealdairen lanari «jarraipena» emanez, MHLI taldeak 1975. eta 1983. urteen arteko zentsurari buruzko liburu bat ondu du. Zentsoreen obsesioa «separatismoa» zela nabarmendu du Ana Gandara ikertzaileak.

Urkullu, gaur goizean, Eusko Legebiltzarrean. ©Endika Portillo / Foku

Urkulluk uste du euskararen aurkako epaiek ez dutela zalantzan jartzen hizkuntz politika

Iosu Alberdi

Urteko lehen kontrol saioa egiten ari dira Eusko Legebiltzarrean. Osasun sistema publikoaren eta pribatuaren arteko harremana babestu du lehendakariak.

AHTaren tunel bat Lezetxiki barruan egin dutela salatu dute ©Lezetxikiren Lagunak

Gipuzkoako Foru Aldundiak dio AHTak ez duela «inolako kalterik eragin» Lezetxikin

Isabel Jaurena

Ekologistak Martxan taldeak erran du AHTaren obrek «haitzuloko lurpeko ekosistema hauskorrari» kalte egin diotela.

«PSNrentzat noiz da eremuz aldatzeko garai egokia? Inoiz ere ez»

«PSNrentzat noiz da eremuz aldatzeko garai egokia? Inoiz ere ez»

Joxerra Senar

Ustekaberik ez zen izan atzo Nafarroako Parlamentuan, baina Mañerun «amorruz eta etsipenez» hartu dute albistea, euren nahiari jaramonik ez dietelako egin Navarra Sumak eta PSNk. Alkateak salatu du «bigarren mailako herritar» sentitzen direla.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...