Noiz sortua: 2018-06-07 00:30:00

Manifestazio batera deitu dute umeen kontrako abusuak ikusarazteko

Ekainaren 24an egingo dute protesta, Algortan. Adierazi dute trabak daudela epaitegietan, eta itxitako hainbat kasu irekitzeko eskatu dute
Haurren Kontrako Indarkeriarik Ez plataformak atzo egindako agerraldia.
Haurren Kontrako Indarkeriarik Ez plataformak atzo egindako agerraldia. LUIS JAUREGIALTZO / FOKU Tamaina handiagoan ikusi

Peru Azpillaga -

2018ko ekainak 7

Salatutako sexu abusuak kontuan hartuta, 13 urtetik beherako umeen artean lau neskatotik batek eta zazpi mutiletik batek jasan dute noizbait halako eraso bat. Gehienetan, gainera, haurrek ezagutu egiten dute erasotzailea; hamar kasutik bederatzitan, hain zuzen ere, erasotzailea hurbileko senide bat da. Horren aurrean, Haurren Kontrako Indarkeriarik Ez plataformak nabarmendu du «begiak zabaltzeko garaia» dela, eta manifestaziora deitu du: ekainaren 24an egingo dute, igandearekin, 13:00etan, Algortan (Getxo, Bizkaia), Haurren kontrako sexu indarkeriaren aurrean inpunitaterik ez lelopean.

«Bost haurretik batek sexu indarkeria jasaten badu, zenbat erasotzaile ditugu inguruan?», egin dute galdera antolatzaileek. Sistema judizialari begiratu diote. Ohartarazi dute umeen aurkako abusuen gotorleku nagusia «patriarkatuan oinarria duen familia nuklearra» dela; gehienetan, familia eredu hori eta inguruko sarea izaten dira isildutako errealitate horren «babesleku».

Taldeko kideen hitzetan, horregatik jartzen du salaketa hamar biktimatik bakarrak: «Eremu pribatuan gertatzen den bortizkeria da, eta haurrek erasoa salatzeko ahalmenik gabe sentitzen dira; horrexegatik, gehienek nagusi izan arte itxaroten dute gertatutako kontatzeko, edota, kasurik txarrenetan, ez dute inoiz kontatzen».

Beste arrazoi bat ere aipatu dute salaketa kopuru txikiari buruz: erasoak legez egiaztatzeko zailtasunak eta sistema judizialak jarritako trabak. «Haurrak frogatu behar du sexu abusua izan dela, eta trabaz beteriko prozesu judizial bati egin behar dio aurre».

Adierazi dute epaitegietan ez dutela kontuan hartzen haurren hitza, eta, jasandako erasoak behin eta berriz azaldu arren, epaileek ez dituztela balizkotzat jotzen haien testigantzak edota marrazkiak. Hala gertatzen da haurren testigantzak laguntzen dituzten peritu txostenekin ere: «Profesionalen hitza kontuan izan gabe atzera bota, eta erasotzaileak absolbitzen dituzte: gaiaren inguruan adituak diren pertsonek sinesgarritasuna eman diete haurrei. Zergatik ez epaileek?». Horregatik, itxitako auziak berriro zabaltzeko eskatu dute.

Sistema judizial patriarkala

Bestetik, azaldu dute normalean ama izaten dela lekuko bakarra. «Sistema judizialaren egitura patriarkala dela eta, zalantzan jartzen da haien hitza». Salatu dute ohiko argudioa dela esatea amak seme-alabak manipulatu dituela; epaitegian gezurra esan duela iritzita, seme-alaben zaintza kentzerainoko prozesuak ere izan dira. Prozesuaren oso geldoa dela ere ohartarazi dute, emakume askok prozesua alde batera utzi behar izaten baitute, horrek eskatzen dituen baliabide ekonomikoen faltan.

Halaber, antolatzaileen arabera, zerbitzu publikoek «erasotzailea absolbitzeko argudio juridiko gisa» erabiltzen dituzte kasu horietarako dituzten protokoloak. Horregatik, erakundeek bermatzen duten legitimazioa ere salatu dute. Hori guztia ikusita, gizarteari dei egin diote, horrelakoetan adi egoteko eta gogoeta egiteko eskatuz: «Indarkeria horri erantzutea beharrezkoa da».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna