ZIENTZIA. ARGI ALDIAN

Odol gaztea, ez hain ahaltsua

Ana Galarraga - Elhuyar Zientzia

2017ko azaroak 5

Kondairen esanean, gazteen odolari esker lortzen dute banpiroek hilezkortasuna. Eta, beste kondaira askok bezala, horrek ere badu benetako oinarri bat. Izan ere, saguekin egindako esperimentuetan ikusi dute gazteen odolak gaztetu egiten dituela zaharrak. Zehazki, frogatu dute gazteen odolaren transfusioak eraginkorrak direla zahartzaroarekin lotutako asaldurak apaltzeko.

Pertsonetan ere halako emaitzak lortzeko itxaropenarekin, entsegu kliniko bat egiteko baimena eskatu zuen Tony Wiss-Coray Standford Unibertsitateko ikertzaileak. Baita lortu ere. Alzheimerraren sintoma arinak edo ertainak zituzten boluntarioekin egin du proba, eta orain aurkeztu ditu lehen emaitzak. Hasieratik bertatik ohartarazi du goizegi dela behin betiko ondorioak ateratzeko. Edonola ere, onartu du ez duela eragin nabarmenik izan.

Esperimentuan 54 eta 86 urte bitarteko 18 boluntariok parte hartu dute. Lau astez, astean behin, serum fisiologikoa eman diete boluntarioen erdiei, eta plasma-transfusio bat, beste erdiei. Plasma hori 18-30 urteko odol-emaileetatik lortu zuten, odoleko globulu gorriak kenduta.

Ikertzailearen arabera, lehen emaitzek erakutsi dute tratamenduak ez duela albo-ondorio larririk. Onura, berriz, ez da izan oso esanguratsua. Gaitasun kognitiboak, aldartea eta bizimodu autonomoa izateko trebezia neurtu zituzten, eta, oro har, ez dute hobekuntza nabarmenik nabaritu. Hala ere, boluntarioetako batzuk lehen baino hobeto moldatu ziren eguneroko jarduera jakin batzuetan, hala nola, erosketak egiten eta janaria prestatzen.

Aipatzekoa da era horretako ikerketa bakarra dela oraingoz gizakietan, eta, beraz, ez dela aukerarik izan beste inongo emaitzekin alderatzeko. Gainera, boluntario-taldea txikia zen. Horregatik, zientzialariek zuhurtziaz hartu dituzte emaitzak.

Wiss-Corayk, dena den, ez du itxaropena galdu, eta beste esperimentu bat egiteko asmoa duela iragarri du. Hain zuzen, odoleko globulu gorriak ez ezik, proteinak eta beste molekula batzuk ere kendu zaizkion plasma erabili nahi du, saguetan plasma osoak baino emaitza hobeak eman baititu. Horrez gain, boluntario-kopurua areagotu nahi du.

Beste ikertzaile batzuk, ordea, ez dira hain baikorrak. Haien ustez, arriskutsua izan daiteke horrelako transfusioak egitea, jakin gabe zehatz-mehatz zein den plasmaren akzio-mekanismoa zahartzearekin lotutako prozesuetan. Bitartean, odol-transfusioak egiteko baimen berezirik behar ez denez, Estatu Batuetako zenbait klinikak dagoeneko eskaintzen dituzte transfusioak, zahartzea geldotzeko promesarekin. Dirutzaren truke, noski.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pilotazale batzuk maskararekin, uztailaren 4an Labriten. / ©Idoia Zabaleta, Foku

Maskara beti jartzera derrigortzea aztertzen ari da Nafarroako Osasun Departamentua

Berria

Gutxieneko distantzia mantenduta ere neurri hori ezartzea aztertzen ari da, azken agerraldien joera eteteko.

Iruñerko Nabarreria kalea asteon. ©Iñigo Uriz / FOKU

Iruñeko agerraldian 21 kasu atzeman dituzte

Amaia Ramirez de Okariz Kortabarria

Hego Euskal Herrian, guztira 64 positibo erregistratu dira azken orduetan. Eskoriatzan (Gipuzkoa) PCR proban positibo eman zuen gizonezko bat hilik aurkitu dute etxean.

 ©BERRIA

«Transmisio komunitario bat daukazunean, ezin da telefono bidez kudeatu»

Jon Ordoñez Garmendia

Epidemia betean harrapatu dute hauteskundeek Ordizia, eta kezkatuta dago Ezenarro. Arriskuaz ohartarazi arren, neurri bereziak hartuta egingo dituzte bihar. Erakundeen babesa eta mahai tekniko bat sumatu ditu faltan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna