Donostiako 67. Zinemaldia. KRITIKA. Sail Ofiziala

Laguntza eskatzeko ausardia

Mikel Zumeta -

2019ko irailak 27

'Rocks'

Zuzendaria: Sarah Gavron. Aktoreak: Bukky Bakray, Kosar Ali, D'angelou Osei Kissiedu, Shaneigha-Monik Greyson, Ruby Stokes, Tawheda Begum, Anastasia Dymitrow, Afi Okaidja, Sarah Niles. Herrialdea: Erresuma Batua. Iraupena: 93 minutu.

Ez da erraza nerabe izatea, ez da erraza anaia txikiaren umekeriak jasatea, amarekin ondo konpontzea, eskolan jarrera ona izan eta azterketak gainditzea; nerabe izanda hau guztia ongi eramatea ez da erraza. Munduaren inguruan duzun ikusmoldea aldatzen ari da, gorputza aldatzen ari zaizu eta horrek guztiak eragina du; nahasia egon zaitezke, ulertzekoa da.

Rocksi horrelakoxe gauzak gertatzen zaizkio, baina honi guztiari azken bultzadatxoa gehituko zaio; ama desagertuko da, ohar bat eta diru pixka bat sukaldean gutun azal batean utzita.

Filma aski ezaguna den drama soziala izango da, Erresuma Batuko errealitate konkretu baten ispilua. Salaketa sozialaren eta dramaren artean kokatuko gaitu, Ken Loach zuzendariak erakutsi digun errealismo sozialetik oso gertu. Pelikulak dezentetan ikusi dugun istorioa azalduko du; laztasunekin eta konplexutasunekin topatuko da protagonista bere ezintasunean, etxean anaiarekin bakarrik, nola aurrera egin ezin asmaturik.

Eskertzekoa da filmak dramatismoa gehiegi ez esplotatzea, eta sobera negar-eragilea izan beharrean umorez eta itxaropenez betetzea istorioa, behar duenean soilik azaleratzeko beharrezkoa den barne eztanda emozionala.

Rocksek arazoak izango ditu barnean dituen gatazkak adierazteko, laguntza eskatzeko; zaila egingo zaio, baimenik ez balu bezala, horrek alaba txarra bihurtuko balu bezala. Baina zortekoa da oso, zoritxarrekoa bada ere, inguruan maite duen jendea izango duelako, lagun leialak, eta haiekin batera askatuko du barne korapiloa.

Argi dago lagundua izateko laguntza jasotzeko prest egon behar dugula, bestela ez dago ezer egiterik; laguntza eskatzeak adore behar du askotan. Filmak erretratu itxaropentsua egiten du, eta ez da laztasunean korapilatzen. Atsegina egiten da garaiotan, nahiz eta kontatzen duena aski ikusia dugun.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berrin izandako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako oharrean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzekoa.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

Osasun langileak, atzo, PCRak egiten, Donostiako Okendo kultur etxean. ©GORKA RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna