Noiz sortua: 2020-03-01 00:30:00

Athleticek garaipena behar du konfiantza berreskuratzeko

Haritz Gallastegi -

2020ko martxoak 1

Hiru hilabete asko da abiadura bizian bizi den gizarte batean. Atzo gertatu zena iragana da. Beraz, duela laurogeita hamar egun gertatu zena aspaldiko kontua da. Bada, Athleticek aspaldi irabazi zuen Espainiako Ligan azkenengo aldiz. Joan den urtean, hain zuzen ere. Espainiako Kopako ibilbide onak salbatu du lehoiek denboraldiaren bigarren herenean egindako lana. Baina denboraldiaren hirugarren eta azken zatia luzeegia izan ez dadin, komeni zaio bide onera bueltatzea. Gainerakoan, ez da giro izango taldearen inguruan. Futbolean garaipenek estaltzen dute beste guztia. Emaitzak onak badira bigarren mailan geratzen dira taldearen jokoa, entrenatzailearen gaitasuna, edota zuzendaritzaren kudeaketa. Baina irabazten ez denean, dena nahasteko arriskua dago. Bada, Athleticek gertu dauka lasaitasuna eta urduritasuna banatzen duen mugarria. Hurrengo bi norgehiagokak erabakigarriak izango dira ilusioari eusteko edota batzuen eta besteen buruak eskatzen hasteko.

Gaur-gaurkoz, datorren ostegunean Granadaren kontra jokatu beharreko Kopako finalerdietako itzulikoak dauka lehentasuna. Beste final bat jokatzeko aukera lortzeak baretuko luke egoera. Hala ere, gaur ligan irabaztea oso garrantzitsua da zuri-gorrientzat. Batetik, lehenbailehen aldatu behar delako taldearen joera. Ligan goiko postuak nahi baino gehiago urrundu dira, eta ezkortasunean jarraitzeak behera begira jar lezake taldea. Bestalde, Kopako lehiari aurre egiteko garrantzitsua da konfiantza berreskuratzen lagunduko duen partida bat jokatzea. Athleticeko jokalariak jota baitaude une honetan. Ez dute garaipenaren biderik aurkitzen. Egun, lehiakor izatea ez da nahikoa zuri-gorrientzat. Aurkariek baino askoz gehiago egin behar dute irabazteko.

Vila-Real ez da kontrario erraza izango. Gauzak ondo egiten ari den taldea da. Talentu faltarik ez dauka, gainera. Lerro guztietan ditu futbolari onak, baina, batez ere, erasoko jokalarien abiadura eta gol sena dira taldearen indargune. Gerard Morenok eta neguko merkatuan fitxatutako Paco Alcacerrek gutxi behar izaten dute aurkariaren atea zulatzeko. Hain zuzen ere, Athletici falta zaiona dauka aurkariak. Vila-Real Europarako sailkatzea eskuratzeko borrokan ari da. Bi puntura baino ez dauka helburua. Bestalde, Gaizka Garitanok ez du gaurko neurketarako dituen asmoen berri eman.

ATHLETIC-VILA-REAL
Athletic. Simon; Capa, Yeray, Nuñez, Iñigo; Yuri; Dani Garcia, Unai Lopez; Muniain, Williams eta Raul Garcia.
Vila-real. Asenjo; Ruben Peña, Albiol, Pau Torres, Alberto Moreno; Trigueros, Iborra, Cazorla; Moi Gomez, Gerard Moreno, eta Alcacer.
Epailea. Medie Jimenez.
Lekua. San Mames (53.289 ikusle).
Ordua. 14:00 (Gol)

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Goierriko lau udaletako ordezkariak Osasun Sailarekin eta Segurtasun Sailarekin bilduta, atzo arratsaldean, Zumarragan. ©JUAN CARLOS RUIZ / FOKU

Konfinamendurik ez Ordizian, 35 kutsatu dauden arren

Jon Ordoñez Garmendia - Aloña Beraza Peña - Irati Urdalleta Lete

Osasun sailburuak baztertu egin du konfinamendua ezartzea eta joan-etorriak mugatzea. Ordiziako alkateak «transmisio komunitario bat» dela ziurtatu du, eta etxean geratzeko eskatu du.

Urkullu mitin batean, Zornotzan, ekainaren 27an. ©Jaizki Fontaneda / Foku

Urkulluk ez du Ordizian bozketak atzeratzeko asmorik

Igor Susaeta

Eusko Jaurlaritzako jarduneko lehendakariaren ustez, bozkatu ahal izateko baldintzak «guztiz» bermatuta daude.

Hainbat ikusle eta apostu artekari maskararekin, Masterseko partida batean, Iruñean. ©Idoia Zabaleta / FOKU

OMEk dio ezin dela baztertu koronabirusa airetik kutsatzea

Edu Lartzanguren

Baieztatuz gero, Osasunaren Mundu Erakundeak aldatu egingo lituzke leku itxietan ez kutsatzeko jarraibideak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna